Albërie Hadërgjonajt i rritet pulsi kur një model i zhveshur i futet në shtrat gjatë lojës satirike në emisionin “Xing”

Këngëtarja e njohur Albërie Hadërgjonaj ka qenë e ftuara e radhës në emisionin “Xing” me Ermalin.

Ajo ka rrëfyer për më të rejat e saj, ndërsa nuk ka nguruar të flasë për jetën që bën mes Kosovës, Shqipërisë dhe Shteteve të bashkuara të Amerikës.

Lexo po ashtu Të gjitha lajmet nga Estrada Shqiptare

Moderatori i emisionit, Ermal Mamaqi i njohur për provokimet e tij të rrezikshme, kishte menduar t’i bënte një lojë vërtet interesante në skenë.

Ai kishte marrë një shtrat në mes të emisionit, ku i kishte kërkuar Albëries të futet në të, ndërkohë që i maste pulsin me aparatin oksimetër të vendosur në gisht.

Provokimet ishin nga më të ndryshme ,deri sa një nga modelet e emisionit u fut vetëm me të brendshme në shtratin ku ishte shtrirë artistja shqiptare.

Në ato momente pulsi i Albëries kishte filluar të rritet, teksa në skenën e improvizuar kinse i riu heq mbathjet e tij në shtrat, publiku filloi të qeshë me të madhe së bashku me protagonistës, teksa hodhën aparatin për matjen e pulsit tutje.

Përndryshe, Hadërgjonaj ka treguar ditë më parë në një bisedë për Telegrafin sa ka nisur punën për klipin e ri, të cilin do ta sjellë së shpejti.

Lexo po ashtu Atraktive dhe me shumë stil, Albërie Hadërgjonaj flet rreth projektit më të ri muzikor

Ajo vazhdon të mbetet njëra ndër këngëtaret më atraktive, dhe përkundër viteve vazhdon të mbetet në top formë. /Telegrafi/