57 artikuj në konkurrim për Wikiacademy Kosovo 2013

Një ditë intensive me panele e prezantime dhe punë në prezantimin e fakteve të reja online mbi Kosovën, shënoi ditën e dytë të WikiAcademy Kosovo që po mbahet për herë të parë në vendin tonë, si pjesë e Diplomacisë Digjitale të Ministrisë së Punëve të Jashtme të Kosovës nën mbështetjen e partnerëve British Council dhe Ambasadës Norvegjeze, dhe po organizohet nga IPKO Foundation.

Në pesë vjetorin e pavarësisë, Kosova ende po ka vështirësi që të shfaq veten në radarin e shteteve të botës, por një prej projekteve që synon të ndryshoj këtë duket të jetë WikiAcademy Kosovo, që po synon të rris kualitetin dhe kuantitetin e përmbajtjes online, që shpesh here është dezinformuese dhe pasqyron një realitet të errët mbi vendin.

Me një lëvizje gjithsesi diplomatike në mesin e folësve/mentorëve në WikiAcademy ka prezent nga WikiMedia Serbia dhe nga Wikimedia Catalunia, ku komuniteti i të pares është mjaft aktiv në dërgimin e informacioneve online sipas perspektives Serbe mbi Kosovën, ndërsa tjetra po punon vazhdimisht të paraqes Kataluninë si shtet të pavarur edhe pse de juro është ende pjesë e Spanjës.

Mbi 57 artikuj rrugës për publikim në Wikipedia
Me prezantime 30 sekondëshe nga kandidatët pjesëmarrës, u treguan se është bërë një punë e gjatë dhe e gjerë në gjetjen e fakteve për tema si krimet e luftes, minierat e trepçës, monumentet e Kosovës, helmimi i studentëve në vitet e 90’ta, arkeologjia e shumë tema tjera, ndërsa në një panel me folës Petrit Selimi, Bernard Nikaj, Myrna Macgregor dhe Mark Dickinson, u fol mbi rëndësinë që ka Wikipedia në pëcjelljen e fakteve dhe të vërtetës në botën digjitale e jo të propagandës.

Dita e shtunë vazhdoi me punën në aritkuj dhe në plasimin e informacioneve shtesë, ndërsa u mbajtën edhe prezantime mbi shkrimin e aritkujve, mënyrat e hulumtimit, referencimin dhe reagimin ndaj fshirjeve, nga folës prej WikiMedia UK Katie Chan, Nita Luci UP/AUK, Shkumbin Brestovci RRota/FLOSSK e Andy Mabbett Wikipedian. Në seancan e pasditës gjitahshtu vazhduan prezantime paralele në tema të ndryshme mbi rolin dhe rëndësinë e Wikipedia në pika të ndryshme, kurse pati edhe një panel mbi GLAM dhe Wikiipedia.

Dita e nesërme, që do të vazhdoj këto aktivitete intensive me punë në hulumtime/artikuj dhe seanca e panele, do të shënojë edhe natën e shpalljes së fituesve, ku përveç garës së artikujve është në konkurrenc edhe gara për fotografi, në të cilën deri tani janë dërguar mbi 1,500 fotografi. Artikujt do të shpërblehen në bazë të kritereve të publikuara në ueb faqe të WikiAcademy, ndërsa për pjesëmarrësit ka një fond shpërblimesh prej 10,000 Euro. Gjithsesi në këtë aspekt të gjithë janë fitues pasi po kryejnë një detyre prej ambasadori secili grup/individ në vete, dhe po shfaq par syve të botës një cope realiteti prej Kosovës, që ka munguar kaherë dhe do të lehtësojë për shumë prej atyre që janë jashtë Kosovës e po punojnë për këtë vend që ta referojnë dike më lehtë në Google. Digjitale dhe Telegrafi janë sponsorë medial./Digjitale/