Zgjedhje kurrë më të tensionuara: Çfarë i duhet Biden për të fituar dhe çfarë i duhet Trump?

Presidenti i SHBA-së Donald Trump dhe kundërshtari i tij Joe Biden po drejtojnë një garë zgjedhore të ngushtë në mënyrë të pashembullt për Shtëpinë e Bardhë, disa orë pas mbylljes së votimeve në Shtetet e Bashkuara.

Biden aktualisht ka 238 vota elektorale të siguruara sipas Associated Press dhe Trump 213. Ka shtatë shtete të tjera, gjashtë prej të cilave rezultati është ende i pasigurt, sipas New York Times.

Këto janë: Nevada, Wisconsin, Michigan, Pennsylvania, Karolina e Veriut dhe Georgia, transmeton Telegrafi.

Trump aktualisht kryeson në Georgia, Karolinën e Veriut, Pensilvania, kurse Biden në Michigan, Nevada dhe Wisconsin, me përqindje të ndryshme të votave të numëruara deri më tani.

Trump udhëhoqi në të gjitha këto shtete deri në mëngjes, por ndërkohë pati një kthesë dramatike në Wisconsin, dhe Michigan, ku Biden mori kryesimin. Aktualisht, ndryshimi është shumë i vogël – 49.4% për Biden kundrejt 49.1% për Trump, me 95% të votave të numëruara.

Në Michigan, Biden ka 49.5% dhe Trump 48.9% të votave, me 95% të votave të numëruara, sipas Fox News dhe AP.

Michigan, Wisconsin dhe Pennsylvania përndryshe i sollën Trump një fitore të papritur ndaj Hillary Clinton në vitin 2016, kur Trump i fitoi me një total prej më pak se 70,000 votash. Tani duket se këto tre shtete nga SHBA do ti vendosin përsëri zgjedhjet.

Ja se si Trump mund të fitojë dhe se si Biden mund të fitojë

Shtetet kryesore të Trump janë Pensilvania, Michigan, Georgia dhe Karolina e Veriut.

Trump është në një pozicion pak më të vështirë tani, me 213 vota elektorale, kurse Biden ka 238. Fitoret e mbrëmshme në Florida dhe Teksas sigurisht i dhanë shpresë Trumpit. Pa asnjë nga ato shtete, veçanërisht pa Teksasin si një bastion republikan që mbante deri në 38 vota, humbja e Trump do të ishte e sigurt.

Por ai ende ka nevojë për një 54 vota të tjera. Nëse ai merr Gerogian (16 vota) dhe Karolinën e Veriut (15 vota), të cilat tashmë kanë 94% të votave të numëruara dhe në të cilat ai ka një epërsi të ngushtë, kjo do ta çonte atë në 250 vota.

Nëse Trump merr Pensilvania (20 vota), kjo e sjell atë tashmë në 267 vota.

Nëse ai gjithashtu merr Wisconsin (10 vota), ai do të ketë 274 vota dhe është fituesi.

Nëse në vend të Wisconsin, ku Biden aktualisht kryeson me një avantazh të ngushtë 0.8% dhe deri në 95% të votave të numëruara, Trump merr Michigan (16 vota), në të cilën ai e udhëhoqi deri vonë, do të ketë 280 vota dhe do të jetë fituesi.

Pra, Pensilvania është duke u shfaqur si një shtet me të vërtetë i rëndësishëm që Trump duhet të pushtojë. Por me 64% të votave të numëruara aktualisht, ne mund të presim ditë për të zbuluar fituesin – nëse vendet e tjera nuk i sjellin fitoren njërit ose tjetrit në ndërkohë.

Disa media tashmë kanë projektuar Arizonën për Biden, të tjerët mendojnë se Trump ende mund ta marrë atë

Sigurisht, është e mundur, por disi më pak e mundshme, që Trump do të marrë Michigan dhe Wisconsin, por jo Pensilvania. Kjo do ta sillte atë saktësisht në 270 vota dhe do t’i sillte fitoren – dhe do të shkurtonte ndjeshëm pritjen e tensionuar të rezultateve për publikun amerikan dhe botëror, pasi ka akoma shumë më pak vota për të numëruar në këto dy shtete sesa në Pensilvani.

Interesante, megjithatë, Washington Post parashikon që Trump mund të “kthejë” edhe Arizonën, edhe pse AP dhe Fox News mbrëmë shpallën një parashikim të Biden si fitues në atë shtet. Nëse Trump do të merrte disi Arizonën, do të ishte shumë më e lehtë për të, me 224 vota.

Pastaj ai mund të merrte fitoren nëse fiton vetëm në Georgia, Karolina e Veriut (dy vendet që ai drejton) dhe:

1) Pennsylvania – do të kishte 275 vota

2) Michigan – do të kishte 271 vota ose ndoshta

3) Wisconsin dhe Nevada – do të kishin gjithashtu 271 vota.

Gjegjësisht, edhe pse Biden kryeson në Nevada, avantazhi i tij zvogëlohet me numërimin, kështu që aktualisht është vetëm 0.6%. Dhe duke qenë se Nevada është vetëm në 67% të votave të numëruara, të gjitha llojet e kthimeve mund të priten edhe këtu.

Për Bidenin, çelësi për fitore janë Wisconsin, Nevada, Michigan dhe Pennsylvania

Për Biden, rruga drejt 270 votave të kërkuara është më e lehtë, të paktën në teori. Ai duhet të marrë Wisconsin (10 vota) dhe Nevada (6 vota), në të cilin ai aktualisht kryeson, i cili së bashku me Arizona (11 vota), të cilat AP dhe Fox News kanë parashikuar tashmë t’i shkojnë gjithsesi, do ta çonin atë në 255 vota.

Atëherë ai duhet të marrë më shumë:

1) ose Michigan dhe Pennsylvania (289 vota)

2) ose Michigan dhe Karolina e Veriut (284 vota)

3) ose Michigan dhe Georgia (285 vota)

4) ose betëm Pensilvania (273 vota)

Ajo që sigurisht funksionon në favor të Biden është që votat e korrespondencës, të cilat ende llogariten në disa prej këtyre shteteve “fushëbetejë”, kryesisht shkojnë në favor të tij sepse votuesit demokratë kanë më shumë gjasa të votojnë me postë sesa votuesit republikanë.

Sidoqoftë, do të duhet të presim të paktën edhe disa orë të tjera për të zbuluar fituesin. Dhe në versionin më të keq, për disa ditë. /Telegrafi/