Këngëtari i njohur shqiptar, Yll Limani, ka bërë një rrëfim në rrjete sociale që lidhet me maçokun e tij të quajtur, Loku.
Ai tregon se maçoku të mërkurën u sulmua nga tetë qenë endacak në oborrin e shtëpisë së tij.
I njëjti thekson lidhjen që ka pasur me maçokun, ndërkohë që iu bën thirrje urgjente institucioneve, duke shtuar se çfarë nëse në një rast të tillë do bëhej fjalë për një fëmijë, apo familjarë të tij.
Yll Limani (Foto: Screenshot/InstaStory)
Krijuesi i hitit “Qaj” sqaron gjithë ngjarjen në një sërë postimesh që ka shpërndarë në InstaStory.
Rrëfimi i plotë i Limanit (pa ndërhyrje):
“Të mërkurën rreth orës 9:00 të mëngjesit, Loki ka dal në oborrin e shtëpisë në shumë pak sekonda që dera ka qenë e hapur. Menjëherë, është sulmuar nga tetë qenë endacak në oborrin e shtëpisë... vazhdimin nuk kam zemër që ta shkruar, sikur nuk kam pasur zemër që t’i shoh kamerat e sigurisë së shtëpisë sonë. Në qetësinë time, po i shtroja një grumbull situatash hipotetike e pyetjesh: Çka nëse ky do të ishte fëmija im? Çka nëse do të isha vet unë, ose dikush nga familja, miqtë, fqinjtë ose fëmijët e tyre? Çka nëse do të ishte kushdo prej qytetarëve të Prishtinës? Ku do duhej të drejtoheshim? Përgjigja normalisht që është e thjeshtë: Tek qeverisja e re e Prishtinës, për të cilët refuzoj të besoj që jetojnë përbrenda renderave të tyre që kryeqytetin e shohin si planimetri të shkëputur prej problemeve ditore. Tek qeverisja e re që ka filluar mandatin duke na garantuar që mandati i tyre do të jetë i përjetimeve - të cilat nuk po dalin me qenë domosdoshmërisht të bukura. Të paktën jo për familjen time. Rreziku nga qentë endacak është i vazhdueshëm, dhe ky problem kërkon zgjidhje të menjëhershme. E di që zgjidhja e këtij problemi nuk do të llogaritet si fitore politike, sepse përditshmëria qytetare është harruar moti nga dëshirat futuristike të udhëheqësve tonë. Por, zgjidhja duhet me u gjet. Sot. Menjëherë. Urgjent. Pusho në paqe Loki i Babit. Pusho në paqe loki i mamit. Pusho në paqe Loki i Hanës. Pusho në paqe loki jem”. /Telegrafi/
Yll Limani (Foto: Screenshot/InstaStory)
Yll Limani (Foto: Screenshot/InstaStory)
Yll Limani (Foto: Screenshot/InstaStory)
Yll Limani (Foto: Screenshot/InstaStory)
Yll Limani (Foto: Screenshot/InstaStory)
Yll Limani (Foto: Screenshot/InstaStory)
Yll Limani (Foto: Screenshot/InstaStory)
Yll Limani (Foto: Screenshot/InstaStory)
Yll Limani (Foto: Screenshot/InstaStory)
Yll Limani (Foto: Screenshot/InstaStory)
