Vuçiq i tutet jostabilitetit në Ballkan

Kryeministri serb, Aleksandar Vuçiq, tha sot se ai nuk ka frikë për të ardhmen e Serbisë në fushën ekonomike, mirëpo të vetmen frikë ai e ka jostabilitetin në Ballkan.
“Nuk janë i frikësuar për të ardhmen ekomomike të Serbisë. Jostbilitieti në rajon është frika ime e vetme”, tha Vuçiq për agjencinë e lajmeve AFP.

Ai përsëriti se Serbia kundërshton që Kosova të bashkohet në OKB, por tha se Beogradi dhe Prishtina kohën e fundit po tregojnë “besim të ndërsjellë”, transmeton lajmi.net.

“Nuk konsideroj se marrëdhëniet mes Beogradit dhe Prishtinës, janë problemi më i madh në Ballkan”, ka thënë Vuçiq, ndërsa ka shprehur shqetësim në lidhje me tensionet në marrëdhëniet mes serbëve dhe boshnjakëve gjithashtu, edhe mes dy popujve duke përfshirë serbet edhe kroatët.

“Në Serbi ka 250.000 boshnjakë, në Bosnjë një milion serbë. Ëndrra ime është bashkimi doganor për të gjitha vendet e Ballkanit”, tha Vuçiq, duke shtuat se bashkimi “nuk do të kishte emrin Jugosllavi”.

Po ashtu, Vuçiq përsëriti angazhimin e tij në procesin e pranimit të Serbisë në BE, duke thënë se qeveria e tij beson se kjo është “mënyra më e mirë për vendin”, ndonëse shumica e serbëve mendojnë se bashkimi me BE kërcënon interesat kombëtare serbe.

Por, ndonëse është e vendosur për t’iu bashkuar BE’së, Vuçiq ka thënë se Serbia dëshiron t’i mbajë marrëdhëniet e mira me Rusinë.