Vodhën tabelat e trafikut, dy gjyqtarët që do të drejtonin ndeshjen e Ligës së Kampionëve përjashtohen nga UEFA

Mediat polake publikuan një lajm për gjyqtarët Bartosz Frankowski dhe Tomasz Musial, të cilët u arrestuan për vjedhjen e shenjave të trafikut mbrëmë.

Kjo dyshe arbitrash duhej të ishte sonte në dhomën e VAR-it në ndeshjen e Dynamo Kyivit dhe Rangers në kualifikueset e Ligës së Kampionëve (ndeshja po luhet në Lubin të Polonisë), por nuk do të jenë aty pas skandalit.

TVP sport polak raportoi se Frankowski dhe Musial vodhën tabelat e trafikut rreth orës 1:30 pas mesnatës. Policia ka marrë njoftim se dikush po shkatërron dhe vjedh me dashje tabelat e komunikacionit në rrugët e Lubinit.

🚨 AFERA ALKOHOLOWA Z UDZIAŁEM SĘDZIÓW EKSTRAKLASY 🤯‼️

Bartosz Frankowski oraz Tomasz Musiał zostali zatrzymani przez @PolicjaLubelska za kradzież… znaku drogowego! 🚏

Sędziowie mieli prawie 2 promile alkoholu we krwi, podczas przemieszczania się minionej nocy po ulicach… pic.twitter.com/iFtvvbSOzK

— Ekstraklasowe Przemyślenia (@EPrzemyslenia) August 6, 2024

Policia arrestoi shpejt tre persona. Është e qartë se të tre ishin nën efektin e alkoolit. Musial kishte një nivel të alkoolit në gjak prej 1.8 dhe Frankowski kishte një nivel alkooli në gjak prej 1.7.

“Rreth orës 1:40 pas mesnate kemi marrë njoftim se tre persona mbanin sinjalistikë në rrugë, policia ka dalë në vendin e ngjarjes dhe të gjithë të arrestuarit kishin mbi 1.5 promijë alkool në gjak”, njoftoi policia polake. Nuk dihet ende identiteti i personit të tretë.

UEFA do të dërgojë në dhomën e VAR dyshen polake Tomasz Kwiatowski – Pawel Malec në vend të të dyve. /Telegrafi/