Tre anëtarë të ekipit të “Rust” ngritën një padi kundër Alec Baldwin dhe producentëve të filmit të hënën, sipas dokumenteve gjyqësore të marra nga TMZ.
Individët pretendojnë se janë përballur me ankthin dhe simptoma të çrregullimit të stresit post-traumatik pas të shtënave fatale në tetor të vitit 2021, ku mbeti e vdekur kinematografja Halyna Hutchins.
Siç u raportua më parë nga Page Six, ylli i “30 Rock” u deklarua i pafajshëm në këtë rast të enjten.
Në padinë e re, Ross Addiego, Doran Curtin dhe Reese Price – ishin në kishën e vendosur në Bonanza Creek Ranch të New Mexico kur arma e Baldwinit qëlloi, duke vrarë Hutchins dhe duke lënë të plagosur regjisorin Joel Souza.
Addiego, Curtin dhe Price pretendojnë se ata ishin në afërsi të aktorit, kur ndodhi ngjarja tronditëse.
Baldwin akuzohet se nuk i kushtoi vëmendje kësaj pjese, për të siguruar që arma të mos ishte e mbushur me plumba të vërtetë.
Ai fillimisht mohoi akuzat se kishte tërhequr ndonjëherë këmbëzën e armës, por prokurorët argumentuan se “fotot dhe videot tregojnë qartë Baldwinin” përpara të shtënave vdekjeprurëse.
Alec tani nuk lejohet të pijë alkool, të zotërojë një armë ose të flasë me dëshmitarë të mundshëm, përveç diskutimit për vazhdimin e xhirimeve të “Rust”.
Filmi është planifikuar të rifillojë me xhirimet këtë pranverë. /Telegrafi/
