Ushtarët ukrainasit pretendojnë se në territorin e tyre me pushkë automatike AK-47, kanë arritur gjatë fundjavës së kaluar ta rrëzojnë një dron të armatosur që ishte prodhim kinez.
Droni që u rrëzua ishte i tipit Mugin-5, fluturake komerciale pa pilot që është prodhuar nga kompania kineze me seli në qytetin port Xiamen në lindje të brigjeve kineze.
Mugin Limited ka konfirmuar për CNN se bëhet fjalë për fluturaken e tyre – duke e cilësuar si “incident”, transmeton Telegrafi.
Disa blogerë të teknologjisë informative thonë se këto makineri janë të njohur si “dronët e Alibaba”, pasi janë të qasshëm për shitje online me një çmim prej 15 mijë dollarëve, dhe se mund të blihen në Alibaba dhe Taobao.
Është rasti më i ri i një fluturake civile pa pilot që është pajisur me armë, një dëshmi tjera që po ndryshon taktika e luftës që kur filloi pushtimi rus në Ukrainë.
Për CNN, ushtarët ukrainas kanë shpjeguar sesi kishte ndodhur – duke ia treguar reporterit edhe vendin ku kanë përfunduar copëzat e dronit të armatosur të cilin e kanë rrëzuar.
Shërbimi Sekret i Ukrainë ka njoftuar se agjentët e tyre që janë të vendosur në territorin që është nën kontrollin e rusëve, se gjatë natës mes të premtes dhe shtunës janë paralajmëruar se nga atje është lansuar një fluturake pa pilot, që kishte për cak ushtarët ukrainas. /Telegrafi/