Twitter mbyll llogaritë që përpiqen të shmangin bllokimin e Trump

Twitter Inc pezulloi disa llogari këtë javë që u krijuan për të shpërndarë deklaratat nga një pjesë e re e faqes së ish-presidentit amerikan, Donald Trump, duke thënë se ata thyen rregullat kundër shmangies së një ndalimi të llogarisë.

Sipas medieve të huaja, përcjell Telegrafi, Trump u bllokua nga Twitteri, ku ai kishte më shumë se 88 milionë ndjekës, dhe nga shumë platforma të tjera të medieve sociale pas ndodhisë në Kapitolin e SHBA-së më 6 janar.

Të martën, një faqe u shtua në faqen e Trump, e quajtur “From the Desk of Donald J.Trump”, ku ai poston mesazhe që mund të shpërndahen nga audienca  e tij si në Twitter ashtu edhe në Facebook.

“Siç thuhet në politikën tonë të evazionit të ndalimit, ne do të marrim masa zbatimi për llogaritë, qëllimi i dukshëm i të cilave është të zëvendësojnë ose promovojnë përmbajtje të lidhur me një llogari të pezulluar”, tha një zëdhënës i Twitter-it në një deklaratë.

Ish-presidenti amerikan, Donald Trump aktualisht nuk do të kthehet as në rrjetin social Facebook.

Bordi pothuajse i pavarur mbikëqyrës i kompanisë “Facebook” votoi të mbështesë ndalimin e tij nga platforma, pasi llogaria iu pezullua katër muaj më parë për nxitje të dhunës që çoi në trazirat vdekjeprurëse të 6 janarit në Kongresin amerikan. /Telegrafi/