Tridhjetë mace ndjekin mësimin me nxënësit në Turqi

Evrim Mutluay, një mësuese e cila prej rreth 16 vitesh e do profesionin e saj, ka tërheq vëmendjen me praktikat e ndryshme arsimore në shkollë dhe kontributin në mjediset fizike të shkollës.

Ajo jeton në qytetin e Izmirit, ku e kalon gjithë kohën duke organizuar aktivitete për zhvillimin social të studentëve, duke vëzhguar efektet pozitive të dashurisë për kafshët dhe natyrën tek nxënësit.

Mutluay, e cila e shndërroi depon e zbrazët të shkollës në një shtëpi komode për macet në kuadër të projektit “Shkolla me putra”, të cilin e nisi pas procesit epidemik për të rritur interesimin e nxënësve për shkollën, u kujdes për 12 kotele endacake vitin e kaluar.

Falë mësimeve të mbajtura me mace u rrit angazhimi i nxënësve në shkollë dhe suksesi i tyre në mësime, raporton aa.

Macet, numri i të cilave po i afrohet 30 këtë vit, shëtitën nëpër klasë gjatë orëve të mësimit dhe duke luajtur me fëmijët në kopsht gjatë pushimeve.

“Ne krijuam strehën tonë. Ekziston një lidhje shumë e fortë dashurie midis maceve dhe fëmijëve. Filluan të vijnë fëmijët që nuk duan të vijnë në shkollë. Shkojnë në shkollë edhe në fundjavë. Ata bëjnë pastrimin e strehës dhe çdo lloj kujdesi për macet. Ata kanë zhvilluar një qëndrim pozitiv edhe ndaj shkollës”, tha ajo.

Mutluay në fund deklaroi se për të treguar se shkolla nuk është e përbërë nga katër mure, ata përpiqen që shumicën e mësimeve t’i mbajnë në ambient të hapur varësisht nga kushtet atmosferike. /Telegrafi/