Trashësia për shkak të druajtjes

Kur mendojnë se nuk janë më të bukurat dhe më të mençurat, vajzat në mënyrë të pavetëdijshme vendosin të bëhen më të trasha. Me të vërtetë? Po, po. Këtë e pohojnë shkencëtarët amerikanë të cilët kanë analizuar kilogramët dhe popullaritet e tinejxhereve.

Tinejxheret të cilat nuk janë të popullarizuara, janë shumë më të prira për t’u trashur, ka dëshmuar hulumtimi i kryer me mbi 4.000 vajza, kryesisht të moshës 15-vjeçare.

Për dallim nga vajzat të cilat përjetohen si më të dashurat në shoqëri dhe shkollë, vajzat e jopopullarizuara kanë pasur 69 për qind më shumë gjasa që, gjatë dy vjetëve të ardhshme, të fitojnë peshë në mënyrë të dukshme.

"Për strategjinë e parandalimit të trashjes duhet pasur në mendje gjendjen emocionale të vajzave, qysh ato e përjetojnë veten", ka thënë udhëheqësja e hulumtimit, Adina Lemeshow, nga New York City Department of Health and Mental Hygiene.

Si t’i dilet në udhë kësaj? Të moshuarit janë faktor i rëndësishëm. Pa marrë parasysh sa të rinjtë i quajnë “të mërzitshëm”, personat e pjekur edhe më tutje janë ata të cilët kanë më së shumti ndikim në jetën e shumicës së tinejxherëve, vlerëson Adina Lemshow. /Yahoo.news/