Tesla largon një milion vetura për shkak të sigurisë

Rregullatori kryesor i tregut të vendit tha se Tesla do të tërheqë më shumë se një milion vetura në Kinë për shkak të rreziqeve të mundshme të sigurisë.

“Duke filluar nga 29 maji, kompania amerikane do të tërheq 1,104,622 automjete që janë prodhuar midis 12 janarit 2019 dhe 24 prillit 2023”, njoftoi Administrata Shtetërore për Rregullimin e Tregut (SAMR).

Kjo është pothuajse e barabartë me shitjet totale të Teslas në Kinë gjatë një periudhe katërvjeçare. Nga viti 2019 deri në mars 2023, Tesla shiti rreth 1.09 milion automjete në vend, sipas llogaritjeve të CNN bazuar në të dhënat nga shoqatat e industrisë së Kinës.

Modelet që do të tërhiqen përfshijnë Modelin S, Model X, Model 3 të importuar dhe Modelin Kinez 3 dhe Model 6.

“Mjetet kanë probleme që mund të rrisin gjasat që drejtuesit të ‘gabojnë pedalin e gazit’ për një periudhë të gjatë kohore, gjë që mund të rrit rrezikun e një përplasjeje dhe të përbëjnë një ‘rrezik sigurie’”, thuhet në deklaratë.

Gjithashtu, Tesla tërhoqi më shumë se 2600 vetura Model S të importuara në Kinë në mars, sipas SAMR. Kapaku i këtyre automjeteve mund të hapet papritur gjatë vozitjes, gjë që përbën një rrezik sigurie për automjetin dhe makinat e tjera. /Telegrafi/