Tempulli i dijes në zemër të shpellës - biblioteka kineze që kërkon guxim për ta vizituar

Në fshatin Mianhua, pranë provincës Guangxi në Kinë, ndodhet një bibliotekë unike - Biblioteka Mianhua - vendosur brenda një shpelle të madhe, në anën e një shkëmbi.

Që prej hapjes së saj në maj të këtij viti, Biblioteka Mianhua është kthyer në një sensacion të rrjeteve sociale.

Këto ditë, bibliotekat rrallëherë bëhen virale, por kjo nuk është një bibliotekë e zakonshme - ajo është një atraksion spektakolar jo vetëm për adhuruesit e librit, por edhe për udhëtarët që kërkojnë pamje mahnitëse.

E ndërtuar në buzë të një shkëmbi të lartë dhe e rrethuar me gjelbërim, biblioteka Mianhua duket sikur është krijuar me ndihmën e inteligjencës artificiale, por në fakt është një vend real që kushdo mund ta vizitojë - për aq kohë sa është gati të përballojë ecjen për t’ia dalë.

Pamja e jashtme e bibliotekës është mbresëlënëse, me korridore druri që duken si të varura në shkëmb dhe ballkone që fusin frymë në fillim; por është brenda ku frymëmarrja ndalon.

Biblioteka Mianhua është vendosur brenda një shpelle gjigante, me mijëra libra që mbulojnë muret e saj të çrregullta.

E vendosur në një zonë rurale, ndërsa ofron qasje në libra për komunitetin lokal, kjo bibliotekë është parë kryesisht si një atraksion turistik që ka tërhequr vizitorë nga e gjithë Kina. /Telegrafi/