Të premten fillon dezinsektimi hapësinor në Komunën e Prishtinës

Të premten fillon dezinsektimi hapësinor në Komunën e Prishtinës. Kjo ditë është zgjedhur pas të gjitha përgatitjeve teknike dhe operative nga ana e Komunës së Prishtinës dhe kompanisë dhe pasi që parashikimet klimatike sigurojnë një javë me mot stabil dhe pa reshje, për arsye se reshjet gjatë procesit të dezinsektimit e bëjnë të paefektshëm aksionin.

Duke u bazuar ne këto të dhëna, sivjet do të dezinsektohet një sipërfaqe e përgjithshme prej mbi 6 mijë hektarë, duke përfshirë edhe zona rurale ku ka potencial të lartë të zhvillimit të këtyre insekteve.

“Edhe këtë vit do të përdoren preparatet e sigurta të regjistruara për përdorim në vendet e Bashkimit Evropian dhe në Shtetet e Bashkuara të Amerikës”, thuhet në një njoftim të komunës.

Edhe sivjet ky proces do të zhvillohet në 5 faza, për të arritur efektshmërinë maksimale gjatë gjithë sezonit veror.

Dezinsektimi do të bëhet çdo ditë duke filluar nga ora 19:30 deri në orën 24:00, sipas datave të mëposhtme nëpër lagjet e caktuara:

27 maj: Aktash, Lagjja e Muhaxherrëve, Parku i Qytetit, Vellushë (Blloqet-Shtëpia e Pleqve), Qendra e Qytetit dhe Qyteza Pejton.

28 maj: Arbëria, Tophane, Kodra e Trimave, Vreshtat dhe Kolovica.

29 maj: Lakrishte, Dardani , Ulpianë, Prishtina e Re (Veternik) , Zona Industriale , Lagjja Nici dhe Kazerma Adem Jashari.

30 maj: Bregu i Diellit, Lagjja e Spitalit dhe Kalabria .

31 maj: Taslixhe, Velani , Mat , Sofali, Taukbahqe dhe Gërmi .

1 qershor: Hajvali, Mramur , Barilevë, Bërnicë, Besi, Bardhosh

Komuna fton qytetarët që gjatë kohës së dezinsektimit, duhet t’i mbajnë dritaret e mbyllura, që mos të futen insektet brenda dhe të kufizojnë daljet nëpër hapësirat ku është duke u kryer dezinsektimi së paku për një orë. Gjithashtu apelo het te shoqatat e bletarëve , për kujdes të shtuar gjatë kësaj periudhe. /Telegrafi/