Taket përmirësojnë jetën seksuale të grave

Askujt nuk i nevojiten shkencëtarët për të dëshmuar se takja e bukur ndikon në libidon e mashkullit. Megjithatë, hulumtimi i ri dëshmon se kjo pjesë seksi e këpucëve, mund të ndryshojë edhe jetën seksuale të femrave.

Taket e larta jo vetëm se i japin formën këmbës dhe tërheqin muskujt, por direkt ndikojnë në muskujt që janë të lidhur me orgazmën, pohojnë shkencëtarët. Më herët taket janë quajtur si shkaktarë të sëmundjeve të ndryshme dhe stresit, por tani duket se këmbëngulja shpaguhet.

Një urologe italiane, doktoresha Maria Cerruto, ka zbuluar se disa take të larta kanë edhe efekte të dobishme. “Veçanërisht i adhuroj këpucët me take të larta dhe kam dashur diç pozitive në to. Sapo kam arritur qëllimin tim”, ka thënë doktoresha dhe ka shtuar: “Taket e larta përpunojnë dhe ndikojnë në muskuj dhe kështu zvogëlojnë nevojën që gruaja t’i ushtrojë ata”.

Në hulumtim kanë marrë pjesë 66 gra më të reja se 50-vjeç. Doktoresha Cerruto ka zbuluar se gratë të cilat e kanë mbajtur shputën nën këndin prej 15 shkallës, që i përgjigjet takës prej 5 centimetrash, kanë muskuj më të relaksuar të pelvikut. Mu për këtë muskujt mblidhen më lehtë dhe janë më të fortë.

Shërbimi shëndetësor shtetëror (NHS Direct) ka publikuar doracakun zyrtar për seks më të mirë. Në mes tjerash, doracaku ua tërheq vëmendjen grave të janë më të vetëdijshme për rolin e muskulit të pelvikut, që duhen ushtruar për të rritur kënaqësinë seksuale.