Stilisti nga Shqipëria, Niko Komani, duket se ka disa rezerva lidhur me sfilatën e kolegut të tij nga Kosova, Valdrin Sahiti.
Në emisionin Vizioni i Pasdites, Komani e quan një dështim sfilatën e Sahitit duke theksuar se është e kopjuar.
“Nuk duroj dot këto që nxjerrin sfilata, kur sapo ka dalë super sfilata e Elie Saab apo e Balmain. Këto nuk i duroj dot! A nuk është një dështim, e gjithë sfilata ishte e parë? Është turp që në vitin 2016, të shesim diçka që është diku online”.
“Nuk jam i vetmi që e kam vënë re këtë gjë, por të gjithë më nisnin foto dhe më tregonin se ku e kanë parë të njëjtin krijim”, thekson Niko Komani gjate intervistës në makinë për moderatoren e emisionit, Orinda Huta.
Për Nikon, Valdrin Sahiti nuk është aspak krijues ndërsa vlerëson dhe stilitët e tjerë nga Shqipëria apo nga Kosova, si Enada At Nikolla, Ardi Asllani, Jetmira Metullahu e Krenare Rugova.
Ndryshe, Valdrin Sahiti i prezantoi krijimet e tij në muajin mars, ku morën pjesë shumë personalitete të artit dhe shoubizit.
