Stilistët, për meshkujt që duan të veçantën

Vihet re dukshëm dëshira e stilistëve si dhe luhatja e tyre drejt përqasjes mashkullore deri në detaje. Një ndër detajet të cilin syri ynë kritik ka pikasur për ju këtë herë është transparenca.

Costume National. Mendja krijuese e firmës e la të lirë inspirimin për të arritur aspak çuditshëm deri tek Kazanova. Ngjyrat e përdorura për këtë koleksion janë: e bardha, e zeza, ngjyra e vajit shampanjë dhe deri tek e kaltra. Kazanova e Costume National është si një hedhje vështrimi mbi të kaluarën, por në të njëjtën kohë dhe shfaq tendencat e një të riu modern.

Valentino. Ky emër i madh u inspirua nga linjat për të rinj (siç ndodh rrallë tek ai), ngjyrat (rozë, e kuqe, e gjelbër si dhe deri tek turkeze) dhe fantazia e shfrenuar e stilistit alternohet në pasarelë në një kaleidoskop shijesh. Koleksioni ndërthur bukur stile dhe influenca të ndryshme, kubane, texane si dhe guxon të arrijë të përziejë një stil mesdhetar nën një tendencë të plotë të ardhur prej Maiami.

Roberto Cavalli. Në fjalë të pakta koleksioni i sivjetmë i 50-vjeçarit nga Firenze i drejtohet Elitës dhe inspirimin e ka marrë prej saj. Një luks që në këto kohëra pak mund t’ia lejojnë vetes. Sigurisht është një stil Cavalli 100%, pantallona lëkure të punuara në gurë të çmuar me shumë simbole të caktuara të cilat thërrasin syun, për të qenë në qendër të vëmendjes. Një koleksion i mbushur me detaje që për ta kuptuar më mirë duhet ta shikosh disa herë.

Issey Miyake. Prezanton atë çka ne e quajmë imazhin e një ‘udhëtari modern’, një mashkull i përgatitur për çdo eventualitet, i veshur nën këpucë të buta dhe tepër të sheshta plot ngjyra dhe lidhëse të bardha, një udhëtar që ka zëvendësuar valixhen e tij me një çantë të zakonshme shpine. Dashuron të zezën, të bardhën, dhe përdor pantallona të stilit cargo me shumë xhepa anash tepër të gjëra në fortesa tek gjunjët. Pra me fjalë të varfra një mashkull që njeh natyrën dhe është pjesë e saj. /Telegrafi/