Soni feston ditëlindjen, ja sa ka ndryshuar (Foto/Video)

Këngëtarja Soni Malaj sot feston ditëlindjen e saj të 34-të.

Artistja, e cila është ndër më të pëlqyerat në tregun muzikor shqiptar, karrierën e ka nisur që e vogël, transmeton Telegrafi.

Ylli shqiptar, emri i vertetë, i së cilës është Sonja Malaj, deri në moshën 9 vjeçare ka jetuar në Tropojë, ku dhe zbuloi pasionin e saj për muzikën, duke u bërë pjesë e disa festivale për fëmijë.

Në moshën 14 vjeçare, Soni bën një audicion pranë një studioje muzikore me qëllimin për t’u bërë këngëtare, dhe më vonë në po të njëjtën studio u bë pjesë e grupit “Spirite Voice”.

Grupi del për herë të parë në Festivalin “Këngët e Stinës”, në vitin 1997, dhe që në daljen e parë patën një bum në publik për vetë frymën rinore dhe moderne që përcillnin si grup.

Pas shpërbërjes së grupit, Soni vazhdon karrierën solo duke u radhitur në mesin e këngëtareve më të pëlqyera nga publiku shqiptar.

Veç këngës, ajo talent ka edhe kërcimin, të cilin e shfaqi në spektaklin “Dancing with the stars”, ku edhe njohu ish-bashkëshortin e saj Mirkon.

Soni dhe Mirko kanë një vajzë së bashku, ndërsa martesa e tyre ka disa muaj që ka përfunduar. /Telegrafi/