Femra Familja Prindër dhe fëmijë

Si të përballet një fëmijë me diabetin

Para 14 vitesh

Gjatë rritjes i keni mësuar fëmijës si të menaxhojë diabetin si p.sh, të ngrënit rregullisht, të ushtrojë një aktivitet fizik, të marri insulinën rregullisht dhe të monitorojë sheqerin në gjak.

Është e rëndësishme që prindërit të informohen në lidhje me mënyrat e menaxhimit të diabetit në qoftes fëmija i tyre në adoleshencë vuan nga diabeti. Më poshtë gjeni 5 strategji mbështetëse se si një fëmijë mund të përballet me situatën në të cilën ndodhet.

Të kuptosh metabolizmin e fëmijës
Kërkuesit besojnë se hormoni i rritjes GH, i cili, ndikon në rritjen e kockave dhe të muskujve gjatë pubertetit, ndikon gjithashtu dhe në veprimin e insulinës. Adrenalina, një hormon tjetër ndikon gjithashtu: kur nivelet e glukozës në gjak bien, adrenalina çlirohet dhe stimulon çlirimin e glukozës që është rezervë në trup. Këto hormone ndikojnë në nivelin e glukozës duke e varruar nga niveli i lartë deri në nivel të ulët. Shpeshherë duhet të inkurajoni fëmijën tuaj të pranojë nivelin e pakontrolluar të glukozës, ti thoni që nuk është faji i tij dhe që nuk duhet në asnjë mënyrë të keqi dorë nga kontrolli i nivelit te sheqerit në gjak.

Duhet të kuptoni mënyrën e jetesës së fëmijës
Diabeti nuk duhet të pengojë të shijuarin e jetës dhe është e rëndësishme që fëmija juaj ta kuptojë këtë fakt dhe të gjejë strategji të menaxhojë diabetin pa ndikuar në stilin e jetesës.

Ata mund të duan të konsumojnë “fast food” Duhet që ta ndihmoni fëmijën të ketë një jetë sociale të lirë dhe të lehtë por duhet të mbajë nën kontroll diabetin. Ju mund t’a shpjegoni fëmijës edhe me anë të ndihmës së mjekut dhe dietologut disiplinën që ai duhet të ndjek për të mbajtur në kontroll diabetin. Në këtë mënyrë fëmija juaj mund të jetë më i lirë sesa duke e mbajtur diabetin jashtë kontrollit. Kërkuesit kanë vënë re se fëmijët kanë një jetë me të mirë (ndihen më të kënaqur me jetën e tyre, shqetësohen më pak për gjendjen në të cilën ndodhen, me mënyrën si ajo ndikon në jetesën e tyre dhe ndihen të shëndetshëm) në qoftes e mbajnë nivelin e sheqerit nën kontroll edhe në qoftes kjo do të thotë që të marrin insulinë 3-4 herë në ditë.

Ndërlidhjet në mes të depresionit dhe diabetit
Hulumtimet e kryera në Harvard kanë treguar se personat e prekur nga depresioni po ashtu janë të rrezikuar edhe nga diabeti, përderisa pjesëmarrësit në hulumtim, që tashmë janë të prekur nga diabeti, janë shumë të rrezikuar nga depresioni. Shkencëtarët shtojnë se bëhet fjalë për një lloj rrethi të mbyllur që vërteton nevojën për parandalimet primare të diabetit dhe depresionit. Këto janë rezultate shumë të rëndësishme dhe bazohen në një hulumtim i cili ishte kryer për një periudhë kohore prej dhjetë vjetëve ku kishin marrë pjesë rreth 55.000 vullnetarë. Mesatarisht personat që ishin të prekur me depresion për 17% ishin më të rrezikuar nga diabeti, ndërsa te pjesëmarrësit të cilët kishin marrë antidepresivë ky rrezik ishte për 25% më i madh. Te personat e prekur me diabet ishte vërejtur një rrezik prej 29%, që më vonë të preken nga depresioni, përderisa rreziku ishte më i shtuar tek ata persona të cilët shkaku i sëmundjes së sheqerit kishin marrë ilaçe.