Si mund të përfundojë Kosova në ‘grupin e vdekjes’ në Euro 2020 – kundërshtarë do të ishin Franca, Gjermania dhe Portugalia

Si fituese e Grupit 3 të Ligës D, Kosova do ta zhvillojë një ndeshje gjysmëfinale (ndaj Maqedonisë së Veriut) dhe një finale (ndaj fituesit të duelit ndërmjet Gjeorgjisë dhe Bjellorusisë), gjithmonë nëse e fiton të parën.

Kosova nëse e kalon play-offin duke i fituar dy ndeshjet, ka mundësi që t’i ndërrohet grupi aktual ai C, por kjo është e lidhur edhe me suksesin e Rumanisë.

Në Grupi C janë aktualisht të vendosura kombëtare si Holanda, Ukraina dhe Austria.

Kjo do të thoshte se Përfaqësuesja jonë do të duhej t’i zhvillojë dy ndeshje në Bukuresht të Rumanisë (në një shtet që nuk e ka njohur Pavarësinë e Kosovës).

Kalimi në “Grupin e Vdekjes”

Por nëse Rumania kualifikohet (si fitues i Ligës A), atëherë do të përfshihet në Grupin C të ‘Euro 2020’, për faktin se ndeshjet e atij grupi do të zhvillohen në Bukuresht dhe në Amsterdam.

Kjo do të bënte që Kosova (si fituesi i Ligës D) të zhvendosej në Grupin F të Kampionatit Evropian – ku nuk do të kishte kurrfarë problemi.

Kosova do të zhvendoset në Grupin F, që është bërë i njohur si Grupi i Vdekjes.

Në Grupin F radhiten Portugalia, Franca, Gjermania dhe fituesi i Rrugës A të play-offs, që do të zëvendësohej me fituesin e Ligës D. /Telegrafi/