Suedia është shpallur fituese e Eurovision 2023.
Ajo ka mbledhur plot 583 pikë duke arritur ta fitojë kështu edhe këtë edicion.
Në vend të dytë u rendit Finlanda, në vend të tretë Izraeli, në vend të katërt Italia si dhe në vend të pestë Norvegjia.
Shqipëria ndërkohë mblodhi gjithsej 76 vota, gjersa u rendit në vendin e 22-të.
Kënga “Duje” e Albinës dhe familjes Kelmendi pavarësisht që u prit mirë, nuk mblodhi vota ashtu siç pritej.
Edhe ky kompeticion muzikor u shoqërua me emocione të forta, performanca të mrekullueshme si dhe me shumë surpriza.
Theksojmë dhe një herë që Eurovisioni i këtij viti u mbajt në Liverpool të Anglisë.
Ngjarja u prezantua nga: Alesha Dixon, Hannah Waddingham, këngëtarja ukrainase, Julia Sanina dhe Graham Norton. /Telegrafi/
