Shërohen pesë pacientë nga coronavirusi, shkon në 973 numri i personave të shëruar

Instituti Kombëtar i Shëndetësisë Publike në Kosovë, ka njoftuar se sot janë shëruar pesë pacientë të cilët ishin prekur nga virusi COVID-19, duke çuar kështu në 973 numrin e personave të shëruar.

IKSHPK, po ashtu ka bërë të ditur se sot janë konfirmuar edhe 83 raste të reja me coronavirus, numri i personave të prekur me virus ka arritur në 1 mijë e 916, transmeton Telegrafi.

IKSHPK ka kërkuar nga qytetarët që  të respektojnë masat mbrojtëse ndaj virusit COVID-19.

“Çdo hap që bëjmë përpara, bartë edhe rrezikun me vete derisa virusi është ende në mesin tonë. Të kujdesimi dhe ta ruajmë këtë situatë të qëndrueshme duke pasur parasysh situatën më të rënduar epidemiologjike në shumë shtete të botës. Vazhdoni të mbani distancën fizike dhe maskat. Lani duart me kujdes disa herë në ditë nga 20-30 sekonda. Lehtësimi i masave është bërë për të na bërë më të përgjegjshëm. Ju lutem të keni kujdes, sepse akoma ekziston rrezik i përhapjes në vendet ku ka grumbullim të madh të njerëzve”. /Telegrafi/