Selena Gomez njofton fansat se do të tërhiqet nga rrjetet sociale

Mund të tingëllojë e çuditshme, por pikërisht në ditët e sotme kur rrjetet sociale janë kthyer në mënyrën më të mirë të promovimit, një nga artistet me famë botërore, ka vendosur të heqë dorë nga to.

Ajo është këngëtarja Selena Gimez, e cila ka treguar së fundmi se e ka marrë këtë vendim pasi ka kaluar një situatë të vështirë shëndetësore dhe emocionale.

https://www.instagram.com/p/BnmNNepgYiQ

Gomez i njoftoi fansat e saj përmes një fotografie në Instagram se për një kohë të gjatë, nuk do të jetë më aktive në rrjetet sociale, dhe se këtë gjë po e bën për të mirën e saj.

“Po shikoja veten në pasqyrë, si një idiote! Po bëj një pushim nga rrjetet sociale përsëri. U jam shumë mirënjohëse për zërin që mediat sociale i japin secilit prej nesh. Por për momentin dua të jetoj jetën time reale dhe momentet që më dhurohen. Mirësi dhe inkurajim vetëm për pak! Vetëm mos harroni, komentet negative mund të dëmtojnë ndjenjat e dikujt”, ka shkruar Selena.

https://www.instagram.com/p/BoFlrM7gwnK

Pavarësisht kësaj, Selena Gomez ndër vite ka qenë shumë aktive në rrjetin social Instagram, madje është në top 10 e personave më të ndjekur botërorë në këtë rrjet social.

Lexo po ashtu Dhjetë të famshmit që fitojnë miliona nga Instagrami

142 milionë është numri i ndjekësve që këngëtarja ka në Instagram, ku edhe vendosi të bëjë njoftimin e fundit për tërheqjen nga rrjetet sociale.

Ndërkohë, ajo vazhdon të jetë aktive në muzikë në realizimin e këngëve të reja, ndërsa është gjithashtu aktive në fushën e modës. /Telegrafi/

https://www.instagram.com/p/BlMkjwaAkjO