Së shpejti do të vjen pasardhësi i minibusit legjendar VW – zbulohen edhe çmimet e para

Kur është fjala për Volkswagen, të gjithë sytë janë te ardhja e afërt e modelit VW ID.Buzz, të cilin tregu e pret prej vitesh.

Premiera evropiane është planifikuar për 9 mars, dhe më pas vetura do të përjetojë premierën e saj amerikane në Austin. Gjegjësisht, ky model pritet të ketë një fillim të fortë në tokën amerikane, ku Microbus origjinal mori status kulti.

Kur bëhet fjalë për Europën, këto ditë kanë dalë informacione për çmimin e mundshëm. Kështu gjermane Automobilwoche mësoi nga burime të paidentifikuara në VW se çmimet do të jenë shumë të ngjashme me Multivanin, pra në nivelin e 60 mijë eurove.

Për më tepër, kombinuar me stimujt e qeverisë, çmimet në Gjermani mund të bien më afër 50 mijë euro. Siç thamë, premiera është për pak më pak se një muaj dhe lista e porosive hapet në muajin maj.

Do të jetë një version me motor elektrik të montuar nga pas dhe me rrota të pasme, ndërsa versioni me të gjitha rrotat do të përfshihet në ofertë më vonë.

Kopjet e para do t’u dorëzohen klientëve në fillim të shtatorit. E njëjta gjë vlen edhe për versionin e zgjatur me një rresht shtesë ulësesh dhe një gjatësi 300 mm më të gjatë që do të vijë më vonë. /Telegrafi/