Samsung po e arrin Nokian

Siç shkruan Reuters, i cili citon burime të gazetës koreane Korea Economic Daily, Samsung vitin e ardhshëm do të shes 374 milion copë telefona celularë, prej të cilëve 150 milion do të jenë modele “të mençur”, që është dukshëm më shumë nga parashikimet e mëhershme sipas të cilave Samsung pritej të shiste rreth 325 milion copë telefona mobil.

Samsung më herët ka publikuar se deri kah fundi i nëntorit të këtij viti ka shitur 300 milion copë telefona mobil, e dërgesat totale për këtë vit pritet të jenë 325 milion copë. Nga ana tjetër Nokia, e cila është ende prodhuesi udhëheqës i telefonave mobil, vitin e kaluar ka shitur 450 milion copë telefona mobil. Nokia për këtë vit ka paralajmëruar rënie të dërgesave, por nuk janë publikuar shifrat konkrete, kështu që vitin e ardhshëm Samsung mund të ndodhë ti afrohet, ose madje edhe të tejkaloj Nokian.

Sipas të dhënave të cilat ka publikuar IDC, Samsung gjatë çerekut të tretë ka shitur 23.6 milion copë telefona “të mençur” mobil, e dërgesat në krahasim me një vit më herët janë rritur për 223.3%. /Telegrafi/