Restauranti “SALT” hap dyert në zemër të Prishtinës

Restauranti “SALT” ka shkëlqyer në hapjen e dyerve në zemër të qytetit të Prishtinës. SALT është shquar për shijen dhe eksperiencën unike të kuzhinës e cila është pritur me shumë kureshtje nga të gjithë të ftuarit e natës

Me një histori të pasur dhe reputacion të ndërtuar me kujdes në sferën e gastronomisë, SALT padyshim se do bëhet pjesë integrale e saj edhe në Prishtinë. Kjo vjen si rezultat i përkushtimit dhe punës së pandalur të grupit REVO, që ka udhëhequr çdo aspekt të zhvillimit të këtij vendi
ekskluziv.

SALT që në fillim të rrugëtimit të tij në vitin 2016 me hapjen e parë në Tiranë, ka përshkuar një rrugëtim të frytshëm për të arritur cilësinë dhe përsosmërinë në çdo detaj. Tani, ky rrugëtim ka çuar në hapjen e dyerve edhe në qytetin ku ndihet shumë afiniteti për kulturën dhe gastronominë.

“Hapja e SALT Prishtina është një manifestim i pasionit dhe angazhimit tonë për të krijuar eksperiencë të veçantë. SALT karakterizohet me ushqime të ndryshme të kuzhinës Mesdhetare, ushqimeve të detit dhe sushi. SALT është një destinacion që i ofron të gjitha, për ata që dëshirojnë të shijojnë një eksperiencë të veçantë të ushqimit dhe pijeve, duke ofruar zgjedhje dreke, darke, jetë të natës dhe evente të ndryshme. Misioni ynë është të nxisim një koncept revolucionar të restorantit duke tejkaluar pritshmëritë e klientit në një dimension ku koha, ushqimi dhe pijet do të shijojnë më shumë.” tha mes tjerash z. Geri Kuka, themelues i grupit REVO.

Menuja e kuruar me kujdes nga kuzhina e SALT tregon një njohuri të thellë në përdorimin e përbërësve të freskët dhe cilësorë që krijojnë një harmoni të mahnitshme të shijeve duke shtuar një ndjenjë emocionale të shijes dhe duke krijuar një eksperience të veçantë për të gjithë.

Më shumë se një vend ku mund të ushqeheni, SALT është një përvojë e plotë. Ambienti i jashtëzakonshëm është i menduar për të krijuar një ndjesi të intimitetit dhe elegancës, duke sjellë pamje estetike në çdo detaj me një përmbushje të jashtëzakonshme të funksionalitetit. Detajet arkitekturore shpalosin një histori të kujdesit dhe vëmendjes që është investuar në çdo cep të restaurantit.

Për grupin REVO dhe ekipin e kuzhinës së SALT, ushqimi është shumë më shumë se thjesht një kërkim i shijes. Është një eksperiment i frytshëm që përfshinë njohuri të thella të kuzhinës, përzierjen e inovacionit me traditën dhe dëshirën e pashmangshme për të krijuar emocion të
pastër në çdo pjatë. Përveç ushqimit, SALT i dedikon një rendësi të shtuar edhe koktejeve të ndryshme që ky vend ofron dhe shoqëron me një muzikë të zgjedhur, shpeshherë nga DJ të njohur lokal dhe ndërkombëtar.

Me hapjen e SALT Prishtina, ky restaurant ka krijuar një pikë takimi për pasionantët e gastronomisë në Kosovë. Cilësia e ushqimit, profesionalizmi i shërbimit dhe atmosfera e jashtëzakonshme e vendit e bëjnë SALT një destinacion të dëshirueshëm për të festuar raste të veçanta, për të shijuar darka romantike, takimet profesionale ose thjeshtë për të eksploruar një botë të re të shijeve dhe përvojave kulinare.

Restauranti është i vendosur në një lokacion ideal në qendër të qytetit, Rr. Fehmi Agani, afer Hotel Manami. Kjo zgjedhje e kujdesshme e lokacionit ka për qëllim të lejojë klientët të kenë një qasje të lehtë dhe të rehatshme në këtë oazë të kulinarisë së shkëlqyer.

SALT Prishtina do të jetë e hapur çdo ditë nga ora 12:00 mesdite deri në 12:00 pas mesnate. Të gjithë ata që dëshirojnë ta vizitojnë SALT, mund të rezervojnë tavolinën e tyre përmes website www.salt.al