RéClinic Prishtina mbështet individët me Sindromën Down përmes trajtimeve Hydrafacial

Nga data 1 nëntor 2024 deri më 1 nëntor 2025, RéClinic Prishtina nis një iniciativë të veçantë për të mbështetur individët që jetojnë me Sindromin Down. Për çdo trajtim Hydrafacial të kryer gjatë kësaj periudhe, 15% e të ardhurave do të shkojnë për kauzën e përkrahjes së këtyre individëve, duke treguar përkushtimin e klinikës për ta kthyer kujdesin ndaj bukurisë në një mision me vlerë sociale.

View this post on Instagram

A post shared by René Clinic Kosova (@reneclinic_ks)

Duke folur për këtë nismë, themeluesja e RéClinic, Jeta Rukiqi, nënvizoi:

“Ne besojmë se bukuria është shumë më tepër se ajo që duket në pasqyrë. Është gjithashtu mënyra si e trajtojmë njëri-tjetrin dhe mbështesim ata që na rrethojnë. Shpresojmë që kjo iniciativë të jetë një ftesë për të gjithë që të bashkohen me ne në këtë kauzë dhe të ndihmojmë ata që kanë nevojë për përkrahje.”

Përmes kësaj iniciative, çdo klient i RéClinic jo vetëm që merr trajtim të avancuar për lëkurën, por bëhet gjithashtu pjesë e një misioni për të bërë një ndryshim të prekshëm në komunitet. Në RéClinic, bukuria dhe përkujdesja marrin një dimension të ri – atë të përkrahjes dhe solidaritetit për një të ardhme më të ndritur për të gjithë.