Rama ironizon me Metën me historitë e Haxhi Qamilit pasi vendosi 13 tetorin datë zgjedhjesh

Kryeministri i Shqipërisë, Edi Rama, ka reaguar ndaj vendimit të Presidentit Ilir Meta,i cili në një deklaratë për media ka konfirmuar se 13 tetori 2019, do të jetë edhe data e re e zgjedhjeve.

Lexo po ashtu Meta: 13 tetori, data e re e zgjedhjeve

Rama në një postim në llogarinë e tij në Facebook, ka ironizuar me presidentin Meta, duke thënë se ai di çfarë shkruhet mbi Vulën e Republikës, po nuk e din çfarë bën me dekretet për llogari të Saliut, Lulit e Monikës.

“Haxhiu, ai i pari, Qamili pra, mbante në xhep një vulë, e cila ishte nje togëz rripi që trimat e tij e kishin plaçkitur, mes shumë sendesh të karvaneve tregtare. Mbi të shkruhej greqisht “Kompani kafeje Export-Import” dhe dekretet e Haxhiut vuloseshin me të, pa e ditur as ai vetë ç’shkruhej mbi të! Ndërsa Haxhiu tjetër, Salvatori ynë Qametaj ose ndryshe, Presidenti ynë në shkarkim e sipër, e di çfarë shkruhet mbi Vulën e Republikës, po s’di hiç çfarë bën me dekretet për llogari të Saliut, Lulit e Monikës.

Baba Haxhiu u ngjall, po zgjedhjet nuk i vret dot dhe data e re e Baba Xhikes është një arsye e fortë më shumë, për të votuar të dielën, më 30QERSHOR; qetësisht e vendosmërisht, si shqiptarë pa dallim e as ngurrim, kundër karnavaleve të politikës pa din e as iman”, ka shkruar në Facebook, Rama.

Ndryshe sot presidenti i Shqipërisë, Ilir Meta në një deklaratë për media ka konfirmuar se 13 tetori 2019, do të jetë edhe data e re e zgjedhjeve.