Putini vazhdon me ‘pastrimin e ushtrisë’, viktima e radhës është zëvendësi kryesor i gjeneralit Gerasimov

Vadim Shamarin, Zëvendës Shefi i Shtabit të Përgjithshëm rus, është arrestuar.

Kështu raportojnë mediat lokale, duke shënuar ndalimin e fundit të një zyrtari të lartë ushtarak rus në javët e fundit, shkruan Newsweek, përcjell Telegrafi.

Zhvillimi u raportua nga gazetat ruse Kommersant dhe Izvestia, duke cituar burime të paidentifikuara me njohuri për këtë çështje.

❗️ Vadim Shamarin, deputy chief of the General Staff of the Russian Armed Forces, has been detained, Russian media reported pic.twitter.com/9LStceD7JE

— NEXTA (@nexta_tv) May 23, 2024

Kommersant raportoi se ai u arrestua të mërkurën “në lidhje me rastin e mashtrimit të dyshuar”.

Lexo po ashtu Putini shkarkon dy figura kryesore – eksperti shpjegon arsyet e 'riorganizimit shokues' të presidentit rus

Shtëpia e Shamarinit u kontrollua dhe më pas ai u dërgua për t’u marrë në pyetje në Departamentin e Përgjithshëm të Hetimit Ushtarak të Komitetit Hetimor Rus.

Shamarin raportohet të jetë një ndihmës i lartë i gjeneralit më të lartë rus, shefit të Shtabit të Përgjithshëm, Valery Gerasimov.

Një vendim i tillë vjen disa ditë pasi presidenti Vladimir Putin kishte propozuar zëvendësimin e ministrit të tij të mbrojtjes dhe aleatit afatgjatë, Sergei Shoigu.

Dhe siç kishte shkruar Newsweek, shkarkimi i ministrit rus të mbrojtjes Sergei Shoigu dhe anëtarëve të ekipit të tij mund të lidhet me një rrjedhje të sekreteve bërthamore, ka pohuar një ekspert. /Telegrafi/