Puthi veturën për 50 orë, kur ta dëgjoni arsyen edhe ju do ta bënit (Video)

Dilni Jayasuriya 30-vjeçe nga Teksasi, ka fituar në garën që e kishte organizuar kompania e njohur e veturave Kia.

Gara ka filluar të premten në mëngjes, kurse në të kanë marrë pjesë 20 persona të cilët kishin kapur buzët e tyre në veturën e re, transmeton Telegrafi.

Rregullat kanë qenë fare të thjeshta: fitues është ai që pas 50 orëve vazhdon ta puthë veturën. Por në rast se më shumë se një garues arrin ta puthë mbi 50 orë veturën, atëherë fituesi zgjidhet në formë lotarie.

Garuesit kanë pasur drejtë të pauzojnë nga dhjetë minuta pas çdo një ore që kalonte, në mënyrë që të kryejnë nevojat e tyre fiziologjike.

Por, deri të hënën pesë garues kishin hequr dorë nga gara, pasi nuk kishin puthur vazhdimisht veturën. Ndërsa numri i pjesëmarrësve sa vinte e pakësohej.

Ndërkaq garueset janë ankuar se buzët dhe hunda u është skuqur, por njëra prej tyre duket se ishte e vendosur që ta qojë misionin deri në fund. Dhe kështu në orët e fundit të garës, numri i pjesëmarrësve ka rënë në pesë.

Sipas rregullave fituesi është shpallur në formë lotarie, dhe fatlumja ishte Dilni e cila ka fituar një veturë të re të kësaj marke.

Gara të ngjashme mbahen edhe në Kinë që nga viti 2007. /Telegrafi/