Kombëtarja e Francës nuk do të përfshihet në ndeshjen ‘play-off’ për vendin e tretë në Euro 2024 pasi u eliminua në fazën gjysmëfinale nga Spanja.
Skuadra e Luis de la Fuente mbetet e pamposhtur pasi golat në pjesën e parë nga Lamine Yamal dhe Dani Olmo vulosën vendin e tyre në finale, ku do të përballen me Anglinë ose Holandën.
‘La Roja’ mundi Kroacinë, Italinë dhe Shqipërinë në fazën e grupeve përpara se të mposhtte Gjeorgjinë, Gjermaninë dhe Francën.
Ndërkohë, Franca do të jetë jashtëzakonisht e zhgënjyer nga edicioni i saj në Kampionatin Evropian pasi shënoi vetëm katër herë në pesë ndeshje [dy autogola, një penallti Kylian Mbappe dhe goli i së martës nga Kolo Muani].
Ky është fundi i garës për skuadrën e Didier Deschamps, i cili nuk do të marrë pjesë në një ndeshje ‘play-off’ për vendin e tretë siç ndodh në Kupën e Botës.
Në vitin 2022, Maroku u ndesh me Kroacinë për vendin e tretë pasi humben kundër Argjentinës dhe Francës përkatësisht në fazën gjysmëfinale.
Megjithatë, në Kampionate Evropiane nuk ka pasur një ndeshje play-off për vendin e tretë që nga Euro 1980, e cila u mbajt në Itali.
Another #EURO2024 reminder!
There’s no third-place play-offs at the UEFA European Championships.
The last third-place match at the Euros was in 1980; when Czechoslovakia won 9-8 on penalties after they drew 1-1 with hosts Italy. pic.twitter.com/inz25EiaII
— Oluwashina Okeleji (@oluwashina) July 9, 2024
Mikpritësit u përfshinë në ndeshjen e fundit të ‘play-off’-it për vendin e tretë pasi humbën 9-8 kundër Çekosllovakisë në penallti pasi barazuan ndeshjen 1-1.
Edhe pse Italia po luante, interesi për lojën ishte i ulët dhe audienca televizive ishte në rënie. Në fakt edhe frekuentimi brenda stadiumit ishte nën pritshmëritë.
Që atëherë, ka pasur 10 kampionate evropiane pa ndeshje të ‘play-off’-it për vendin e tretë. /Telegrafi/