Drejtori i Institutit Octopus, Agim Musliu, ka ngritur disa teza që hedhin dyshime mbi ngjarjet e fundit në vendbanimin Lloznica të Serbisë.
Sipas Musliut, ngjarjet që përfshijnë vrasjen e shqiptarit Faton Hajrizi dhe një polici serb, mund të jenë pjesë e një skenari të planifikuar nga autoritetet serbe.
Musliu sugjeron se Lloznica, e cila pritet të bëhet një minierë litiumi, mund të jetë zgjedhur qëllimisht si vendi për këto ngjarje.
Pikërisht aty ishte paralajmëruar një protestë e ambientalistëve serbë për shkak të vizitës së kancelarit gjerman, Olaf Scholz, në Serbi.
“Protestat e serbeve te gjelbër mund të bëheshin problem, gjatë vizitës së paralajmëruar të kancelarit gjerman Scholz! Për ta menaxhuar sa më mirë situatën, pushteti prorus i Vuciq, i cili po përpiqet të mbijetojë dosido, tha se pikërisht në Lloznica, një shqiptar (Faton Hajrizi) realizoi sulm terrorist duke vrarë një polic serb. Pas dy ditësh u vra edhe shqiptari që kishte ikur nga burgu i Kosovës”, ka shkruar Musliu.
Në këtë kontekst, Musliu hedh dyshime se autoritetet serbe kanë inskenuar këto ngjarje.
Musliu thekson se kjo ngjarje ndodhi brenda një periudhe shumë të shkurtër kohore dhe në një hapësirë të ngushtë territoriale, duke ngritur pikëpyetje mbi autenticitetin e ngjarjeve.
Ngjarjet në Loznica kanë ngritur shqetësime të shumta dhe kanë nevojë për një analizë të thelluar për të kuptuar motivet dhe qëllimet e mundshme prapa tyre./Telegrafi/
Three days in #Loznica, #Serbia.
Loznica, a settlement in Serbia, is expected to be a #lithium mine in the future. The protests of the green Serbs could become a problem, during the announced visit of the 🇩🇪chancellor @Bundeskanzler !
To manage the situation as best as… pic.twitter.com/sacIN256ej— Agim Musliu (@agim_musliu) July 20, 2024