Poposki në PE: Maqedonia do të dalë më e fuqishme dhe do të jetë anëtare e BE-së

Ministri i Punëve të Jashtme Nikolla Poposki, pasdite do të merr pjesë në konferencën ‘Ballkani Perëndimor: Drejt ardhmërisë evropiane’ që në organizim të Partisë Popullore Evropiane mbahet në Parlamentin Evropian në Bruksel.

Në pjesëmarrjen e tij konferencë, shefi i diplomacisë së Maqedonisë porositi se bëhet fjalë për një debat të rëndësishëm, veçanërisht për temën dhe më së shumti për kohën në të cilën ndodh, sepse këto janë kohëra që janë të mbushura me sfida edhe për vetë Bashkimin Evropian, për rajonin ballkanin dhe për Maqedoninë.

‘Ajo që ndoshta është më e rëndësishme për ne është se edhe në kohëra të tilla të ndërlikuara ka njerëz në kuadër të BE-së që dëshirojnë të japin porosi të qartë se premtimet që janë dhënë që nga viti 2003 se tërë Ballkani do të jetë pjesë e Bashkimit Evropian-do të realizohen. Sigurisht që kjo nuk do të ndodh nesër dhe sigurisht nuk do të ndodh pa një numër të madh të vështirësive në këtë proces. Ky do të jetë rast edhe në këtë moment dhe është e rëndësishme t’i dëgjojmë këto zëra të arsyeshëm se zgjerimi si projekt i Bashkimit Evropian është me siguri projekti më i mirë dhe më i suksesshëm paqësor kurdoherë që ka ndodhur në kuadër të Bashkimit Evropian’, porositi ndër të tjera ministri Poposki. /Telegrafi/