Polici keqtrajton qytetarin në Shkup (Video)

Qytetarë vërshojnë panairin e Shkupit, duke kërkuar librin e dëshiruar. Përveç nga qytetarët, rrugët bllokohen edhe nga policia, e cila po përgatitet për delegacionin që duhet të kalojë.

Ilija Temelkovski po ngutet që të arrijë në ushtrime, ku po e presin lojtarët e tij, dhe lutë policin që t’ia lirojë rrugën.

Rrëmuja në komunikacion shkaktoi nervozë tek një shkupjan, i cili duke nxituar në punë kërkoi nga polici që ta lirojë rrugën që sa më shpejtë të kaloj, por përgjigja që morri nga zyrtari policor nuk ishte ajo që ai priti.

Personin të cilin policia po e tërheq zvarrë është seleksionuesi i hendbollistëve të rinj, Ilija Temelkovski. Ai në bisedë telefonike për TV21 e konfirmoi rastin, kurse ajo që shihet në kamerë, nuk është asgjë në krahasim me atë që i ka ndodhur Temelkovskit, kur dy policë e dërgojnë pas autobusit, dhe larg syve të njerëzve.

Temelkovski e pranon se ndoshta ka reaguar më ashpër se sa duhej, por thotë se kjo nuk ja jep të drejtën policit që të reagojë në atë mënyrë.

Nga MPB thonë se rastin ende nuk është paraqitur tek kontrolli i brendshëm policor, këtë e konfirmon edhe vet Temellkovski, por thotë se do të ngrejë padi, dhe do të kërkojë përgjegjësi nga autoritetet./Telegrafi/