Të hënën, Mauricio Pochettino u konfirmua si trajneri i ri i Chelseat. Argjentinasi, i cili më parë ka luajtur dhe drejtuar Espanyolin, ishte lidhur me drejtimin e Real Madridit, nëse Carlo Ancelotti kishte lënë postin e tij.
Stretagu mund të mos drejtojë Real Madridin, por duket se ai është i interesuar të stërvitë lojtarët e tyre dhe ai ka një emër specifik në mendje.
Sipas Sport, Pochettino dëshiron që Chelsea të nënshkruajë me Federico Valverden këtë verë.
Skuadra e Ligës Premier është e gatshme të paguajë deri në 100 milionë euro për të siguruar shërbimet e uruguaianit, i cili ka qenë një lojtar jetik për Los Blancos këtë sezon.
Pavarësisht interesimit të Chelseat, Florentino Perez nuk ka ndërmend ta lërë Valverden të largohet këtë verë, dhe nëse ai do të largohej, çdo klub do të duhet të paguajë klauzolën e tij të lirimit, e cila është 1 miliard euro.
Si i tillë, nuk ka shumë gjasa që Valverde të largohet nga Real Madrid këtë verë. Uruguaiani pritet të vazhdojë të jetë një anëtar i rëndësishëm i skuadrës së Ancelottit për sezonin e ardhshëm dhe më tej. /Telegrafi/