Përse fëmijët rebelë janë më të lumtur? Lexoni patjetër këto arsye

Nëse shumë prindër janë mësuar me idenë se fëmijët e tyre duhet të jenë të përsosur, psikologët sugjerojnë se të qenit fëmijë jo shumë i disiplinuar mund të kontribuojë në kënaqësinë e tyre të përgjithshme

Prandaj, sa herë që ndjeni sikur fëmija juaj po del jashtë kontrollit, është më mirë të merrni frymë dhe të mendoni se si ndikon kjo gjë në zhvillimin dhe suksesin e tyre në të ardhmen.

Bright Side na tregon 3 arsyet pse duhet ta lini fëmijën të veprojë si rebel:

Ata janë më të pavarur dhe nuk kanë frikë të shprehen

Çdo fëmijë ka personalitetin e vet unik dhe mënyrën e bashkëveprimit me botën. Sidoqoftë, nëse prindërit vazhdimisht përpiqen ta vendosin fëmijën në një kuti, ata mund të vuajnë nga problemet me vetë-shprehjen dhe nuk do të jenë në gjendje të tregojnë dëshirat e tyre. Fëmijët rebelë nuk kanë frikë të tregojnë karakterin dhe pavarësinë e tyre të vërtetë.

Kjo është mënyra e tyre për të eksploruar botën dhe është e efektshme

Fëmijët përdorin shqisat e tyre për të bashkëvepruar me botën: ata janë jashtëzakonisht shumë të ndjeshëm, duan që zëri i tyre të dëgjohet dhe nuk mund të qëndrojnë të qetë as një minutë. Nëse prindërit i detyrojnë fëmijët të heshtin dhe të mos tregojnë ndonjë iniciativë, fëmija humbet mundësinë për të eksploruar botën.

Ata mund t’i përpunojnë më mirë emocionet e tyre

Është me e lehtë për fëmijët rebelë që të qëndrojnë të lidhur me emocionet e tyre dhe të kuptojnë arsyet e sjelljes së tyre kur të rriten. Këta fëmijë kanë më shumë të ngjarë të tregojnë pjekuri kur bëhet fjalë për emocionet e tyre. Ata e kuptojnë se emocionet janë një pjesë e rëndësishme e jetës së tyre dhe mësojnë të njohin dhe të respektojnë emocionet e njerëzve të tjerë gjithashtu. /Telegrafi/