Mesut Ozil ka dhënë një përgjigje gazmore kur është pyetur se si ka qenë të luante me Cristiano Ronaldon.
Ish-përfaqësuesi i Gjermanisë me origjinë turke ka luajtur me superyllin portugez gjatë kohës sa ishte pjesë e Real Madridit.
Një tifoz i është afruar 34-vjeçarit dhe e ka pyetur për periudhën kur ka luajtur në Santiago Bernabeu me sulmuesin e Al Nassr.
Mesut Ozil had a brilliant response when asked what it was like playing with Cristiano Ronaldo 🥶 pic.twitter.com/NaB8MYy1qa
— SPORTbible (@sportbible) February 5, 2023
Tifozi: Si ishte të luash me Ronaldon?
Ozil: Pyeteni atë, ai ka luajtur me mua.
Tifozët e kanë konsideruar gazmor këtë përgjigje të mesfushorit kreativ duke bërë komente të shumta në rrjetet sociale.
Mesut Ozil dhe Cristiano Ronaldo kanë luajtur bashkë për tri sezone (2010-2013) në Santiago Bernabeu. Ata ishin bashkë në fushë në 149 raste, ndërsa mesfushori i ka asistuar sulmuesit në plot 31 gola.
What a response from Mesut Ozil after a fan asked him what is it like to play alongside Cristiano Ronaldo 👀pic.twitter.com/TkX8OZWg7Z
— Bet9ja (@Bet9jaOfficial) February 5, 2023
Gjatë asaj kohe, ata e fituan bashkë titullin e La Ligas, Kupën e Mbretit dhe Superkupën e Spanjës.
Vetëm Gareth Bale dhe Karim Benzema kanë dhuruar më shumë asistime (47, respektivisht 32 herë) për Ronaldon. /Telegrafi/
