​OBSH: Mposhtja e coronavirusit nuk varet vetëm nga vaksina

Evropa mund të jetojë me COVID-19 dhe pa vaksina nëse kontrollon me sukses vatrat e nxehta duke zbatuar masa të lokalizuara emergjence, tha të martën drejtori rajonal i Organizatës Botërore të Shëndetësisë për Evropën, Hans Kluge.

Ai tha se në ditën kur do të festojmë fitoren mbi pandeminë, nuk do të jetë e nevojshme pasi do të kemi vaksinën.

“Kjo do të ndodhë kur të mësojmë të jetojmë me një pandemi, dhe kjo mund të jetë që nesër”, tha Kluge në një intervistë për Sky News.

Kreu i Agjencisë Suedeze të Shëndetit Publik, Johan Carlson, beson se pandemia COVID-19 nuk mund të ndalet vetëm me një vaksinë, por që një numër masash parandaluese do të duhet të qëndrojnë në fuqi në një të ardhme të parashikueshme.

Vaksina e re antiCOVID-19 “ka të ngjarë të jetë një mjet i rëndësishëm”, por jo një mjet që përfaqëson zgjidhjen përfundimtare të problemit, tha Carlson, vendi i të cilit zgjodhi një model të diskutueshëm nën të cilin shumica e shoqërisë u kursye nga masat kufizuese antiepidemike.

Ministrja e Çështjeve Sociale e Suedisë Lena Hallengren tha se vaksina e re antiCOVID-19 duhet t’u jepet më parë njerëzve mbi moshën 70-vjeç, anëtarëve të grupeve të rrezikut dhe stafit mjekësor dhe kujdestarëve. /kp/Telegrafi/