Njëqind qytetet më të vizituara në botë (Foto)

Euromonitor International ka publikuar për herë të dhjetë, ranglistën e 100 qyteteve të botës që janë destinacionet më të dëshirueshme për turistët.

Siç thuhet në raportin me 94 faqe, “këto qytete nuk janë veç katalizatorët kryesorë për rritjen e ekonomisë dhe të turizmit, por edhe vendndodhje ku lindin risitë, punët e reja dhe iniciativat e reja”.

100 qytet e zgjedhura janë kryesoret në rajonet e tyre dhe renditja bazohet në të dhënat si numri i vizitave ndërkombëtare që zgjasin të paktën 24 orë.

Në këtë listë nuk është asnjë qytet shqiptar dhe asnjë nga rajoni i ish-Jugosllavisë.

Dhjetë qytetet më të vizituara në botë, janë: Hong Kongu (26.6 milionë vizitorë në vit), Bangkoku (21,2 milionë), Londra (19.2 milionë), Singapori (16,6 milionë), Makao (15,4 milionë), Dubai (14.9 milionë), Parisi (14.4 milionë), Nju Jorku (12.7 milionë), Shenzheni (12.6 milionë) dhe Kuala Lumpuri (12.3 milionë), transmeton Telegrafi.

Siç shihet, fokusi i botës është zhvendosur në Azi, ndërkohë që në listën e dhjetë qyteteve më të vizituara janë vetëm dy evropiane dhe një nga Amerika e Veriut, transmeton Telegrafi.

Raporti thekson se 1.2 miliard udhëtime biznesi dhe turizmi ndodhin çdo vit në botë dhe se 46 për qind e tyre ndodhin në qytetet që janë në listën e 100 vendeve më të vizituara.

Rritja e Azisë Lindore tregohet edhe me atë se më 2010 ishin 34 qytete aziatike në listë e sot janë 41. Ndërsa, ky trend po vazhdon.

Evropa është kontinenti i dytë me 29 qytete. Amerika e Veriut dhe Amerika e Jugut kanë 13 qytete, ndërsa Lindja e Mesme dhe Afrika marrin pjesë me 11 qytete.

Dhjetë qytetet më të dëshiruara evropiane, pos Londrës dhe Parisit në vendet e para, janë edhe: Roma (9.3 milionë vizita), Stambolli (9.1 milionë), Praga (8.1 milionë), Barcelona (7,0 milionë), Milano (6.7 milionë), Amsterdami (6.3 milionë), Antalia (6.1 milionë) dhe Vjena (5.8 milionë).

Raportin e plotë mund ta gjeni: KËTU. /Telegrafi/