Një test i thjeshtë në shtëpi zbulon: A funksionon gjëndra juaj tiroide normalisht, ngadalë apo shpejt!

Kjo mënyrë e kontrollimit të aktivitetit të gjëndrës tiroide u zbulua rreth 50 vjet më parë nga dr. Broda Barnes

Ky mjek amerikan në librin e tij përshkroi aktivitetet dhe mosveprimin e gjëndrës tiroide, pra mosfunksionimin endokrin.

Ai temperaturën e trupit e shpalli një aleat të fuqishëm në zbulimin e këtij problemi dhe shpiku një test të thjeshtë që mund ta bëni në shtëpi, në shtrat, menjëherë pas zgjimit, transmeton Telegrafi.

Testi i Barnesit

Përgatitja për testin fillon në mbrëmje, para gjumit.

Përgatitni një termometër dhe shkundni atë në mënyrë që temperatura që e tregon të jetë më e ulët se 35 C. Në mëngjes, pasi të zgjoheni, matni temperaturën (është mirë të vendosni një termometër nën sqetull, në lëkurë të zhveshur dhe ta mbani për rreth 10 minuta).

Temperatura që do të shfaqet në termometër pas matjes quhet “temperatura bazale e mëngjesit”. Shkruajeni atë menjëherë në mënyrë që të mos harroni sa e lartë ishte.

Bëni testin për 3 ditë rresht për t’u siguruar për rezultatet e tij.

Rezultatet e testit

1. Nëse temperatura në termometër është midis 36.5 C dhe 36.8 C – tiroidja funksionon normalisht.

2. Nëse temperatura në termometër është më e ulët se 36.5 C – ajo zvogëlohet (simptomat e uljes së funksionit të tiroides janë depresioni, mungesa e energjisë, lodhja, infeksionet, dhimbje koke kronike, mungesa e kujtesës dhe përqendrimit, rënia e flokëve, etj.).

3. Nëse temperatura në termometër është më e lartë se 36.8 C – tiroidja punon shpejt ose një infeksion është i pranishëm në trup.

Nëse temperatura është nën ose mbi vlerat normale, konsultohuni me një mjek për të konfirmuar diagnozën dhe për të marrë këshilla të ekspertëve.

Temperatura mund të ndryshojë për shkak të sëmundjeve infektive, te gratë që janë në menopauzë ose ato me menstruacione. Prandaj, bëni këtë test kur jeni shëndetshëm dhe kur nuk jeni me menstruacione.

/Telegrafi/