Udhëtimi me aeroplan mund të jetë stresues si për njerëzit ashtu edhe për kafshët e tyre shtëpiake. Megjithatë, një golden retriever i vogël me emrin Hugo ka dëshmuar se fluturimi mund të jetë një aventurë e vërtetë, dhe për shkak të sjelljes së tij të përkryer gjatë fluturimit prej pesë orësh, ai u bë një sensacion viral në Instagram.

Videoja e publikuar në profilin e Instagramit @maui_thegoldenpup, e dedikuar aventurave të qenve Maui, Ruby dhe Hugo, tregon pikërisht Higon në udhëtimin e tij të parë të madh. Pronari, duke u përgatitur për më të keqen, u habit shumë në mënyrë të këndshme.

Në përshkrimin e videos, ajo ndau pritshmëritë e saj "Prisja që të bënte nevojën në transportues, shumë rrëmujë dhe kaos. Por qeni i vogël Hugo më habiti me të vërtetë sepse u tregua si një udhëtar profesionist".

Videoja më pas tregon në mënyrë kronologjike se çfarë bëri Hugo gjatë gjithë udhëtimit me aeroplan.

Në orën e parë të fluturimit, Hugo kaloi kohën duke u njohur me mjedisin e ri dhe duke shoqëruar pasagjerët. Një skenë tregon një nga udhëtarët që e përkëdhel me entuziazëm.

Gjatë orës së dytë, emocionet filluan të ulen, dhe Hugo filloi të lodhej. Ora e tretë e kaloi duke fjetur thellë në transportuesin e tij, nga i cili dalë vetëm koka e tij.

Në orën e katërt, Hugo u zgjua për pak – kontrolloi nëse kishin mbërritur, por pasi aeroplani nuk ishte ulur ende, ai thjesht vazhdoi të flinte. Vetëm në orën e pestë u zgjua plotësisht, i freskët dhe gati për të dalë nga aeroplani, duke përfunduar me sukses udhëtimin e tij të parë të madh. /Telegrafi/

Fun LajmeFun