Një person i lënduar rëndë në një nga gjithsej 10 aksidente komunikacioni në Shkup

Një person është lënduar rëndë në një nga gjithsej 10 aksidente të regjistruara gjatë ditës së djeshme në rajonin SPB Shkup. Në pesë aksidente lëndime të lehta kanë marrë gjashtë persona, ndërsa në katër është shkaktuar dëm material.

Siç informojnë nga MPB, gjatë ditës së djeshme policia e trafikut ka zbuluar dhe sanksionuar një numër të madh të shkeljeve. Katërdhjetë e dy shoferë kanë lëvizur me shpejtësi më të madhe nga e lejuara dhe katër persona janë ndalur në mënyrë të parregullt. Nga trafiku janë përjashtuar gjithsej 10 persona: dy nën ndikim të alkoolit, gjashtë para se ta marrin të drejtën e drejtimit të automjetit motorik dhe dy shoferë fillestarë.

Janë sanksionuar edhe 14 këmbësorë të cilët kanë kaluar në rrugë jashtë vendkalimeve për këmbësorë dhe 10 këmbësorë të cilët kanë kaluar rrugën në dritë të kuqe. Janë hasur 79 automjetet të parkuara në mënyrë të parregullt.

Sektori për parandalim sot do të mbajë leksione trafiku, masë të veçantë edukimi, ku do të marrin pjesë qytetarë pjesëmarrës në trafik të cilët kanë kryer shkelje në baza të ndryshme në cilësi të këmbësorëve./Telegrafi/