Nisin punimet për sinjalizimin e rrugëve në komunën e Rahovecit

Në Komunën e Rahovecit, kanë nisur punimet në projektin për sinjalizimin horizontal dhe vertikal të rrugëve, ky projekt do të zbatohet nëpër disa rrugë duke u bazuar edhe në kërkesat e qytetarëve.

“Përparim Krasniqi, drejtor i Drejtorisë për Shërbime Publike për fillimin e punëve në projektin sinjalizimin horizontal dhe vertikal të rrugëve ka potencuar se kompania e kontraktuar nga Komuna, fillimisht është duke bërë piketimin, në disa prej rrugëve kryesore të Komunës si në rrugën “Xhelal Hajda-Toni” nga hyrja kryesore të qytetit në drejtim të rrugëve rajonale, Rahovec-Drenoc në drejtim të rrugës rajonale.

Drejtori Krasniqi thotë se në kuadër të projektit sinjalizimin horizontal dhe vertikal, bazuar në planin që kemi dhe kërkesat e marrë nga qytetarët do të bëhet edhe vendosja e pengesave në rrugë, tabelat informuese për vendbanimet dhe tabelat për ruajtjen e mjedisit”, thuhet në njoftimin për media.

Mbikëqyrja e realizimi të projekti do të bëhet nga Drejtoria për Shërbime Publike, Drejtoria për Punë Inspektuese, Policia e Kosovës dhe ekspert nga fusha e komunikacionit. /Telegrafi/