Ëndrra bëhet realitet: Kosova pranohet në UEFA (Foto)

(E Plotësuar) – Izolimit 25 vjeçar i erdhi fundi në Budapest. UEFA hap dyert edhe për futbollin tonë, i cili për shumë vite nuk e gëzonte këtë të drejtë.

Kosova ka marr besimin e 28 anëtarëve të Federatës Evropiane të Futbollit dhe kundër saj ishin 24 shtete, gjersa dy abstenuan

Pas këtij votimi, Kosova bëhet anëtari i 55-të UEFA-s.

Emocionuese! Duka: Lejoni fëmijët e Kosovës të luajnë futboll

Armand Duka, presidenti i Federatës së Futbollit të Shqipërisë, ka folur rreth pranimit të Kosovës në Federatën Evropiane e Futbollit (UEFA).

Ai i ka kërkuar UEFA-s që fëmijëve të Kosovës ti lejohet të luajnë futboll, ku ka kujtuar se edhe Shqipëria mund të humbas lojtar nga ekipi kombëtar.

“Ata nuk janë pjesë e Serbisë. Ju po ju mohoni fëmijëve të Kosovës që mos të luani futboll. Edhe ne kemi në kombëtare futbollistë kosovar, dhe jo vetëm shtete tjera”, tha  Armand Duka.

Neni i shtatë thotë se në UEFA nuk mund të pranohet asnjë shtet që nuk ka ulëse në Organizata e Kombeve të Bashkuara, transmeton Telegrafi.

Për ndryshime statusore i janë nevojitur 2/3 e votave për t’i bërë këto ndryshime.

54 anëtarë të Kongresit kanë marrë pjesë në këtë për ndryshimin e statutit. 33 vota ishin pro ndryshimit të statutit, kurse 20 ishin kundër, kurse 1 abstenim.

https://www.youtube.com/watch?v=44hwIjackzU

Vokrri iu kërkon anëtarëve të Kongresit të UEFA-s të votojnë pro pranimit të Kosovës.

Kryetari i Federatës së Kosovës, Fadil Vokrri ka mbajtur një fjalim para të pranishmëve në Kongresin e 40-të të UEFA-s.

Ai iu tha të pranishmëve se çfarë mesazhi po dërgojnë te sportistët e rinj të Kosovës, nëse nuk e pranojnë Kosovën në UEFA. Vokrri ka përmendur edhe marrëveshjen Kosovë-Serbi, për mos pengim të kësaj të fundit të pranimit të sportit kosovar në arenën ndërkombëtare.

“Krejt federata janë pranuar përveç futbollit. 60 përqind e popullit tonë është më e re se 16 vjet. Unë nënshkrua marrëveshje mes Kosovës dhe Serbisë sipas saj anëtarësimi i Kosovës nuk pengon. Ju lus që të votoni për anëtarësimin tonë për shkak të rinisë sonë”, ka thënë Vokrri.

Kryetari i FFK-së iu ka bërë apel të pranishmëve që të votojnë pro vendimit për pranim të Kosovës, pasi e meriton të jetë pjesë e saj.

Delegacioni kosovar nuk do të marrë pjesë  në vazhdimin e kongresit për pranimin e Kosovës në UEFA, këtë vendim e ka marrë presidenti i UEFA-së.

Këtë vendim presidenti i shtëpisë më të madhe të futbollit në Evropë e ka marrë pas përfundimit të fjalimit të kryetarit të FFK-së, Fadil Vokrri, i cili kërkoi që futbolli kosovar, ndër sportet e vetme të pa pranuara ndërkombëtarisht, të pranohet dhe të gëzojë të drejtat e njëjta me shtet fqinje.

Kongresi para pak çastesh votoi kundër ndryshimit të statutit që parasheh se në UEFA mund të pranohen vendet që janë të njohura nga Kombet e Bashkuara si shtete të pavarura.

Karadzic: Kosova nuk i plotëson kushtet për pranim në UEFA

Pas fjalimit te Fadil Vokrrit në Kongresin e UEFA-së, i cili kërkoi që Kosova të pranohet në UEFA, i menjëhershme ka qenë reagimi i kreut te Federatës serbe, Tomislav Karadzic.

Ai thotë se politika është përzierë në sport dhe unë po e mbrojë futbollin nga politika.

Ai tha se “jam kundër një federatë që nuk i plotëson kushtet për pranim në UEFA”.

https://www.youtube.com/watch?v=44hwIjackzU

Mali i Zi kërkon pranimin e Kosovës në UEFA.

Presidenti i Federatës së Futbollit të Malit të Zi, Dejan Savicevic, ka kërkuar që ti mundësohet Kosovës pranimi në UEFA.

“Vetëm Serbia nga ish-shtetet e Jugosllavisë ka votuar kundër pranimit të Kosovës në UEFA”, tha Savicevic.

Kongresi i UEFA-s nuk ka miratuar ndryshimet statutore.

33 vota ishin pro dhe 21 kundër ndryshimeve të nenit të shtatë.

Neni i shtatë thotë se në UEFA nuk mund të pranohet asnjë shtet që nuk ka ulëse në OKB

FFK-ja nuk shpreson në votën pro të Zvicrës

Burime pranë Federatës së Futbollit të Kosovës kanë pohuar se nuk shpresojnë në votën e Zvicrës për anëtarësim në Federatën evropiane të Futbollit.

“FFK-ja po shpreson në votën e Greqisë, Maqedonisë dhe Malit të Zi, por jo dhe te Zvicrës”, tha për Telgrafin një burim.

Pritet heqja e nenit që i pamundësonte Kosovës pranimin

Tashmë krerët e federatave dhe të UEFA-s ishin në një pauzë, ku pas saj pritet të votohet për heqjen e nenit të shtatë të UEFA-s.

Neni i shtatë thotë se në UEFA nuk mund të pranohet asnjë shtet që nuk ka ulëse në OKB.

Pikërisht për këtë gjë janë duke diskutuar krerët e federatave dhe ata të UEFA-s.

Pritet që ky nen të hiqet dhe të shkojë pranimi i Kosovës në votim.

Nevojiten 2/3 e votave, për t’i bërë këto ndryshime. /Telegrafi/

https://www.youtube.com/watch?v=44hwIjackzU

Zyrtarët e Federatës Evropiane të Futbollit në një pauzë duke biseduar rreth pranimit të Kosovës.

Votimi për pranimin e Kosovës në UEFA pritet të bëhet brenda 20 minutave, raportojnë korrespodentët e Telegrafit dhe RTV Dukagjinit nga Budapesti i Hungarisë.

KËTU mund ta ndiqni LIVE kongresin e UEFA-s, ku pritet të pranohet Kosova. Telegrafi në bashkëpunim me RTV Dukagjinin ndodhen në vendin e ngjarjes dhe do t’iu mbajë të informuar gjatë gjithë kohës rreth zhvillimit të ngjarjes më të madhe në futboll për Kosovën.

Reagon Serbia: Gjibraltari ia hapi rrugën Kosovës që të pranohet në UEFA

E marta mund të jetë datë historike. Kjo për faktin se Kosova mund të pranohet në shtëpinë më të madhe të futbollit evropian – UEFA.

E gjithë vëmendja është kthyer në një vend, sot Budapesti është epiqendra për Kosovën në përgjithësi dhe futbollin në veçanti. Ndërsa mediat serbe me vëmendje po përcjellin këtë ngjarje.

Gazeta Tanjug i ka kushtuar një analizë të veçantë pranimit të Kosovës në UEFA, me titull “Beteja më e madhe Sportive diplomatike e Serbisë deri më tani. Ndërsa Kryetari i Shoqatës së futbollit të Serbisë, Tomisalv Karagjiq e ka pranuar që është shumë vështirë të parandalohet anëtarësimi i Kosovës meqenëse shumica e shteteve të BE-së e kanë njohur Kosovën dhe do e mbështesin në anëtarësimin në këtë organizatë.

Ai ka theksuar se situata është e vështirë, veçanërisht tani pasi Kosova është anëtarësuar në Komitetin Olimpik Ndërkombëtar, por Federata e Sportit të Serbisë, po lufton me të gjitha mjetet.

“Komiteti Olimpik Ndërkombëtar e ka pranuar një shtet vetëshpallur dhe në këtë mënyrë hapi derën për organizata të tjera që ta bëjnë të njëjtën gjë. Një anën tjetër situatë jonë është shumë më e vështirë dhe e pasigurt, Gjibraltari është pranuar në UEFA, edhe pse nuk është anëtar i Kombeve të Bashkuara”, ka thënë ai.

KËTU mund ta ndiqni LIVE kongresin e UEFA-s, ku pritet të pranohet Kosova. Telegrafi në bashkëpunim me RTV Dukagjinin ndodhen në vendin e ngjarjes dhe do t’iu mbajë të informuar gjatë gjithë kohës rreth zhvillimit të ngjarjes më të madhe në futboll për Kosovën.

https://www.youtube.com/watch?v=44hwIjackzU

Kongresi i UEFA-së vazhdon punimet, kongres në të cilën në rend ditë është edhe kërkesa e Federatës së Futbollit të Kosovës (FFK), për pranim në UEFA.

Sipas agjendës së këtij kongres, rreth orës 11:00 pritet të diskutohet për kërkesën e Kosovës.

Optimizmi tek ekspedita e Kosovës është i madh. Krerët e FFK-së dhe zyrtarët e këtij asoascioni sportiv, por edhe gazetarët e shumtë të Kosovës po e presin nën ethe momentin kur do të flitet për Kosovë.

UEFA e ka zbuluar agjendën e Kongresit të UEFA-s, i cili po mbahet në Budapest të Hungarisë, shkruan Zëri.

Dhe, në bazë të agjendës, votimi për pranimin e Kosovës në UEFA është në pikën e 10-të.

Kosova ka marrë premtim se mbi 40 shtete do ta votojnë pranimin e saj në UEFA.

Kosovës i janë premtuar mbi 40 vota për pranim në UEFA.

Burime të “Zërit” kanë bërë të ditur se nga 54 shtete anëtare në UEFA, mbi 40 i kanë premtuar FFK-së se do ta mbështesin kërkesën e saj për pranim në Federatën Evropiane të Futbollit.

Për t’u pranuar në UEFA, Kosovës i nevojiten 28 vota.

Telegrafi në bashkëpunim me RTV Dukagjinin ndodhen në vendin e ngjarjes dhe do t’iu mbajë të informuar gjatë gjithë kohës rreth zhvillimit të ngjarjes më të madhe në futboll për Kosovën.

Në kongresin e UEFA-së që po mbahet në Budapest është dhënë një njoftim i madh për Kosovën.

Gjatë fjalisë së tij presidenti i FIFA-s, Gianni Infantino ka bërë të ditur se javën e ardhshme Kosova është në agjendë të FIFA-s.

“Në rast pranimit me të drejta të plota të Kosovës gjatë ditës së sotme, atëherë do të pranohet automatikisht në FIFA”, tha presidenti i FIFA-s, Infantino.

Përfaqësuesit e Federatës së Futbollit të Kosovës (FFK) kanë hyrë në sallën e Kongresit të UEFA-s, i cili sapo ka filluar.

Kosova e pret sot vendimin e madh nga Budapesti, ku mund të pranohet përfundimisht në UEFA, duke i dhënë fund pritjes shumëvjeçare.

Telegrafi në bashkëpunim me RTV Dukagjinin ndodhen në vendin e ngjarjes dhe do t’iu mbajë të informuar gjatë gjithë kohës rreth zhvillimit të ngjarjes më të madhe në futboll për Kosovën.

KËTU mund ta ndiqni LIVE kongresin e UEFA-s, ku pritet të pranohet Kosova.

Infantino: Së bashku do t’ia kthejmë namin futbollit

Në Kongresin e UEFA-së të pranishme iu drejtua edhe kryetrari i FIFA-së, Gianni Infinitino.

Ai për herë të parë iu drejtua delegateve të UEFA-së si kryetar i Federatës Botërore të Futbollit. Ai tha se bashkë me ju mund t’ia kthejëm namin futbollit.

“Kam emocione të shumta që jam para jush si kryetar i i ri. Falënderoi gjithë ata që me besuat. Unë jam zgjedhur lider i ri që ta drejtoj FIFA se bashku me ju.

“Ne duhet te jemi profesionalisht në punën tonë dhe atë po e bëjmë. Unë mund të kem sukses vetëm me ndihmën e juaj në mënyrë që t’ia kthejmë futbollit namin aty ku duhet”, ka thënë i pari i FIFA-së.

Këto janë shtetet pjesëmarrëse në kongresin e UEFA-s

Shqipëria

Armenia

Andorra

Austria

Azerbejgjani

Belgjika

Bosnja

Bullgaria

Kroacia

Qipro

Çekia

Danimarka

Anglia

Estonia

Faroe Islands

Finlanda

Maqedonia

Franca

Gjeorgjia

Gjermania

Gjilbratar

Greqia

Hungaria

Islanda

Izraeli

Italia

Kazakistani

Latvia

Litenjshtani

Lituania

Luksemburgu

Malta

Moldavia

Mali i Zi

Holanda

Northen Irland

Norvegjia

Polonia

Portgalia

Republika e Irlandes

Romania

Rusia

San Marino

Skocia

Serbia

Sllovakia

Slovenia

Spanja

Suedia

Zvicrra

Turqia

Ukraina

Uellsi

Ministrja e Sportit te Hungarisë, ka hapur punimet e Kongresit te UEFA-s.

Ajo  falënderoi delegatët e këtij kongresi dhe si mediat e pranishme, ndërkohë të pranishme iu drejtua edhe kryetari i Federatës së Futbollit të Hungarisë.

Në Kongresin e Budapestit në rend ditë është edhe kërkesa e Federatës së Futbollit të Kosovës për pranim në UEFA.

Telegrafi në bashkëpunim me RTV Dukagjinin ndodhen në vendin e ngjarjes dhe do t’iu mbajë të informuar gjatë gjithë kohës rreth zhvillimit të ngjarjes më të madhe në futboll për Kosovën.

Në Kryeqytetin e Hungarisë, Budapest, ka nisur Kongresi i UEFA-së.

Ky kongres si asnjë herë më parë zgjon kërshërinë e vendit tonë, pasi që në Kongresin e Budapestit në rend ditë është edhe kërkesa e Kosovës për pranim në shtëpinë më të madhe te futbollit evropian.

Në këtë kongres fillimisht pritet të bëhen ndryshime në statutin e UEFA-së lidhur me nenin famoz që e ka penguar pranimin e Kosovës, e më pas do të votohet për kërkesën e Federatës së futbollit të Kosovës (FFK) për pranim në UEFA.

Kosovës i duhen 28 vota për tu pranuar. Zyrtarët e Federatës së Futbollit të Kosovës, besojnë se Kosova do të pranohet në UEFA.

KËTU mund ta ndiqni LIVE kongresin e UEFA-s, ku pritet të pranohet Kosova.