Nintendo 3DS i rrezikshëm për fëmijët

Kompania Nintendo ka tërhequr vërejtjes se konzola e saj e radhës së lojërave e dorës 3DS me mundësi të paraqitjes së pamjes tredimensionale pa syze të veçanta nuk është e dedikuar për fëmijët më të rinj se gjashtë vjeç kur të përdoret në regjimin 3D të punës.

Në faqet e saj japoneze Nintendo tërheq vërejtjen se sytë e fëmijëve më të rinj se gjashtë vjeç nuk janë të zhvilluar tërësisht, dhe se paraqitja 3D e pajisjes 3DS mund të pengojë zhvillimin normal të tyre. Prandaj në Nintendo rekomandojnë vendosjen e mbrojtjes prindërore në mënyrë që lojtarëve më të rinj t’u pamundësohet loja në regjimin tredimensional të punës, derisa paraqitja 2D do të ishte lehtë i qasshme për ta.

Nintendo u rekomandon edhe lojtarëve më të moshuar që të pushojnë pak pas 30 minutash loje në regjimin 3D, për dallim nga një orë sa është tek paraqitja standarde 2D. Në të njëjtën kohë, Nintendo këshillon që lojtarët të ndalojnë paraqitjen tredimensionale nëse fillojnë të ndiejnë mundim. /Telegrafi/