Trajneri i Borussia Dortmundi, Edin Terzic, ka thënë të enjten se paraqitja e Jude Bellingham ndaj Mainz, i cili po vuan nga një lëndim në gju, është në dyshim.
Borussia Dortmund luan të shtunën ndaj Mainz në xhiron e fundit të Bundesligas, në të cilën ‘milionerët’ mund të fitojë titullin e parë, pas 11 vitesh.
Bellingham nuk luajti as katër ditë më parë në fitoren 3-0 kundër Augsburgut, ku Borussia mori kryesimin e tabelës me dy pikë më shumë se Bayern Munich i vendit të dytë.
“Jude arriti të shtojë stërvitjen e tij këto ditë, gjë që është një shenjë e mirë. Ne patjetër dëshirojmë që ai të përfshihet në ekip për të shtunën”, ka thënë Terzic, i cili ka lënë pikëpyetje për paraqitjen e anglezit.
Ndeshja e së shtunës kundër Mainz mund të jetë e fundit me fanellën e Borussias për 19-vjeçarin Bellingham, me Real Madridin që përflitet të jetë i interesuar për të.
Bellingham luajti në 31 ndeshje në kampionat këtë sezon dhe shënoi tetë gola. Sipas vlerësimeve të SofaScore, ai është lojtari më i mirë i Borussia Bortmund këtë sezon. /Telegrafi/