Mustafi me shokë kanë një arsyeje të madhe për ta fituar botërorin, zbulohen premiat e ‘çmendura’ të Gjermanisë

Kampionati Botëror ‘Rusia 2018’, do të fillojë në muajin qershor edhe zyrtarisht.

Kombëtarja e Gjermanisë është kampioni aktual i botës dhe do të tentojë mbrojtjen e titullit.

E për një gjë të tillë ka menduar edhe Federata gjermane e futbollit e cila ka bërë publike premiat për lojtarët.

Por shpërblimet për lojtarët do të fillojnë vetëm pasi të kalojnë fazën e grupeve në kampionatin botëror.

Pasi të arrijnë në çerekfinale, Shkodran Mustafi me shokë do të fitojnë nga 75 mijë euro.

Në rast se arrijnë në gjysmëfinale, atëherë futbollistët do të shpërblehen me nga 125 mijë euro secili.

Gjermanët kanë vendosur që edhe nëse mposhtën në finale t’i shpërblejnë lojtarët e tyre me nga 200 mijë euro.

Ndërkohë fitimi i Kupës së Botës do të ishte një bonus shtesë, pasi të gjithë lojtarët e grumbulluar do të fitonin nga 350 mijë euro.

Deri më tani këto premia janë më të mëdhatë që ka ofruar një federatë e futbollit për fitimin e botërorit.

Mbetet të shihet nëse ndonjëra nga federatat pjesëmarrëse do t’ia kalojnë gjermanëve. /Telegrafi/