Mbeti SHTATZËNË përmes SEKSIT ANAL, ja si është e mundur kjo

Dr Brian Steixner, urolog, e ka thyer mitin se nuk mund të mbetesh shtatzënë përmes seksit anal, pasi që vet është ballafaquar me një dukuri të tillë.

Steixner ka zbuluar se e ka trajtuar një grua me një sëmundje të rrallë të quajtur “keqformim të kloakës” kur ishte student i mjekësisë, transmeton Telegrafi.

Kjo dukuri ndodh vetëm te vajzat gjatë kohës që janë duke u rritur në mitrën e nënave të tyre.

Keqformimi i kloakës mund të zhvillohet herët në shtatzëni, që do të thotë se rektumi i foshnjës, uretra dhe vagjina nuk ndahen në kanale të ndryshme.

Sipas Great Ormond Street Hospital kjo shkakton që urina dhe jashtëqitja të kalojnë përmes një kanali të përbashkët i cili hapet në perineum.

Normalisht kjo korrigjohet përmes operimeve që krijojnë tri kanale të ndara, e gjithashtu një anus dhe vagjinë.

Sidoqoftë, kur një grua me këtë sëmundje ishte operuar në SHBA, kishte ndodhur një gabim kirurgjik apo kishte pasur reagim të rrallë të trupit ku ishte krijuar një lidhje anormale mes mitrës dhe zorrës së trashë.

Çdo muaj, gjatë menstruacioneve ajo kishte rrjedhur gjak nga anusi.

Dr Steixner ka treguar se ajo kishte kryer vetëm seks anal, pasi që ai vagjinal kishte qenë i pamundshëm, dhe kësisoj kishte mbetur shtatzënë. Gruaja kishte vendosur të abortoj pasi që kishte menduar se një lindje natyrale do të ishte shumë e rrezikshme për shëndetin e saj dhe të fëmijës.

Fatmirësisht kjo dukuri që e shkakton këtë shtatzëni është shumë e rrallë dhe ndodh vetëm te një nga 50,000 njerëz. /Telegrafi/