Mbappe fillon kërcënimet ndaj PSG-së, kampioni francez mund të ‘përjashtohet’ nga Liga e Kampionëve

Kylian Mbappe po vazhdon betejën e tij ligjore ndaj ish-klubit Paris Saint-Germian pasi këta të fundit po refuzojnë t’i paguajnë atij 55.4 milionë euro që i detyrohen. 

Sipas një raportimi nga mediumi spanjoll Cope, francezi tashmë ka kërcënuar gjigantin francez se do t’i padisë tek UEFA dhe do t’i fusë në telashe me ta. 

Mbappe ka paralajmëruar ashpër PSG-në se ai mund të bëjë që UEFA t’ua marrë licencën, gjë e cila nuk do t’i lejonte të luanin më në Ligën e Kampionëve. 

PSG-ja sidoqoftë, beson se ka opsione të mjaftueshme në dispozicionin e tyre të cilat do të përdoren për të fituar rastin dhe për të mos i paguar Mbappes atë shumë parash. 

Lexo po ashtu Mbappe injoron bashkëlojtarët e Real Madridit kur tregon pesë lojtarët më të mirë me të cilët ka luajtur

Kampioni në fuqi i Ligue 1 e kishte kërcënuar Mbappen gjatë kohës së tij të fundit tek klubi, duke e hequr atë nga ekipi i parë dhe duke mos ia rinovuar vëllaut të tij të vogël (Ethan Mbappe) kontratën. 

25-vjeçari tashmë ka filluar të marrë ritmin tek Real Madridi, pasi ka shënuar 13 gola në 23 ndeshje deri më tani këtë sezon./Telegrafi/