Legjenda gjermane e futbollit, Lothar Matthaus e ka pranuar se është një tifoz i madh i talentit anglez të Borussia Dortmundit, Jadon Sancho.
Ish-lojtari i Manchester Cityt dhe Watfordit u transferua në verë te skuadra gjermane Dortmund.
Që nga ajo kohë, Sancho ka bërë paraqitje të mira te Dortmundi duke fituar edhe një vend në ekipin kombëtar të Anglisë.
Megjithatë, legjenda gjermane Matthaus ka treguar një histori teksa është befasuar nga cilësitë e talentit anglez kur e ka parë për herë të parë tek luante.
“Herën e parë që e pashë Jadon Sanchon, ai më bëri të fokusohem tek ai dhe kjo nuk ka ndodhur kurrë më parë”, ka thënë fillimisht Mattaus për The Sun.
“Ishte pikërisht ndeshja kur ai luante për Anglinë U-17 kundër Norvegjisë në kampionatin evropian”.
“Unë isha në palestër, në makinën vrapuese dhe duke shikuar televizorin, por pas 15 minutash nuk më vrapohej, pasi doja ta shihja atë”.
“Normalisht nuk do ta bëja kurrë këtë. U fokusova në drejtimin tim, por desha të dija më shumë për këtë djalë të mrekullueshëm që kisha parë tek luante”.
“Nuk e njihja fare, ose për kë luani, por dija vetëm mbiemrin e tij”, përfundoi legjenda gjermane. /Telegrafi/